Hádegisfréttir

Hádegisfréttir 22. nóvember 2024

Stöðug virkni er í nýja eldgosinu og of snemmt að spá fyrir um goslok. Það gýs í þremur gígum og hrauntungan við Bláa lónið skríður fram þótt hægst hafi á henni.

Miklu máli skiptir að Bláa lónið haldi starfsemi áfram og aðgengismál séu leyst hratt og örugglega, að mati Samtaka ferðaþjónustunnar. Lokanir þar hafa áhrif á ákvörðun ferðamanna um að koma til landsins.

Það er betra að stýra aðgangi ferðamanna að gosstöðvunum, en að loka á hann, segir sérfræðingur í öryggismálum hjá Ferðamálastofu. Lögreglustjórinn á Suðurnesjum segir það ekki á dagskrá.

Bankastjóri Íslandsbanka segir að hækka þurfi vexti á verðtryggð lán þar sem enn sé mikill munur á verðbólgu og vöxtum Seðlabankans. Bankinn hafi tekið á sig milljarða kostnað vegna þess.

Viðbrögð leiðtoga ríkja heimsins við handtökuskipun Alþjóðlega sakamáladómstólsins yfir forsætisráðherra Ísraels eru misjafnar. Írar og Kanadamenn hlíta henni. Stjórnvöld í Bandaríkjunum eru ósammála dómstólnum.

Ójöfnuður milli kynslóða hefur aukist tvisvar sinnum hraðar á Íslandi en annars staðar á Norðurlöndum. Kaupmáttaraukning er margfalt meiri hjá eldra fólki en yngra.

Frumflutt

22. nóv. 2024

Aðgengilegt til

Rennur ekki út

• 00:01:27 Gosstöðvarnar
• 00:02:56 Lokanir við gosstöðvar
• 00:04:29 Gosið enn öflugt
• 00:06:18 Öryggi ferðamanna við gosstöðvar
• 00:07:41 Jóhannes Þór um Bláa lónið
• 00:10:17 Vaxtahækkanir banka
• 00:12:29 Misjöfn viðbrögð við handtökuskipun
• 00:14:21 Drápu bráðaliða í Líbanon
• 00:14:56 Kaupmáttur ungs fólks
• 00:16:57 Samningafundir að hefjast
• 00:17:21 Íbúafundur í Ölfusi
• 00:18:43 Íþróttir
• 00:20:39 Veður
• 00:21:05 Seinni helst

Útvarpsfréttir.