Hádegisfréttir

Hádegisfréttir 27. maí 2024

Fjörutíu og fimm, hið minnsta, voru drepnir í flóttamannabúðum á Rafah á Gaza í loftárás Ísraelshers í nótt. Eldur, sem kviknaði við árásina, breiddist hratt út um þéttsetnar tjaldbúðirnar.

Rannsókn á tildrögum rútuslyss á Rangárvallarvegi stendur enn. Líðan þeirra sem slösuðust er eftir atvikum góð.

Vonir fara dvínandi um að fólk finnist á lífi í aurskriðu sem fór yfir fjallaþorp á Papúa Nýju Gíneu. Talið er að tvö þúsund manns hafi farið undir aurinn sem er allt að tíu metra þykkur. Íbúar leita að ástvinum sínum vopnaðir skóflum.

Ungverjar vinna markvisst gegn stuðningi Evrópusambandsins við Úkraínu. Þetta fullyrti utanríkisráðherra Litáens í morgun áður en hann gekk á fund utanríkisráðherra ESB-ríkjanna í Brussel. Hvöss orð hans þykja bera vitni um vaxandi gremju innan ESB í garð stjórnvalda í Búdapest.

Tengir, sem leggur ljósleiðara á Vopnafirði, segir að Míla hafi tafið fyrir framkvæmdum og gert þær dýrari með því aðleyfa ekki notkun á rörum sem fyrir eru. Dæmi séu um að Tengir hafi grafið í sundur vegi við hliðina á tómum rörum Mílu.

Aðalmeðferð verður í júní, í máli konu sem talin er hafa orðið manni að bana á heimili sínu í Bátavogi í september.

Formaður landskjörstjórnar segir ekki minni áhuga á forsetakosningum núna þótt færri hafi kosið utankjörfundar en síðast. Það að kosið er fyrr geti haft áhrif á kjörsókn utan kjörfundar.

Enn eitt árið ræðst það í oddaleik hverjir verða Íslandsmeistarar karla í körfubolta. Grindavík hafði betur gegn Val í fjórða leik liðanna í gærkvöld.

Frumflutt

27. maí 2024

Aðgengilegt til

Rennur ekki út

• 00:01:55 Hryllingur í Rafah
• 00:03:52 Rútuslys á Suðurlandi
• 00:04:23 Tvö þúsund talin undir aurskriðunni
• 00:05:55 Vinnuslys austan við Þjórsá
• 00:06:14 Gagnrýnir andstöðu Ungverja við stuðning
• 00:08:08 Styður stofnun Þjóðarsjóðs
• 00:09:01 Míla ósamvinnuþýð á Vopnafirði
• 00:11:10 Aðalmeðferð í Bátavogsmálinu í júní
• 00:11:59 Enn engin ákvörðun um hvalveiðar
• 00:12:48 Kristín Edwald
• 00:14:50 Reyndu að svíkja út tryggingafé
• 00:15:28 Vatnavextir en ekki hætta á aurskriðum
• 00:15:45 Danskir þúsundkallar
• 00:17:33 Mikil hætta á sinubruna
• 00:17:50 Íþróttir
• 00:20:29 Veður
• 00:20:46 Seinna helst

Útvarpsfréttir.