Hádegisfréttir

Hádegisfréttir 8.maí 2024

Verðbólguvæntingar eru enn miklar og það er einn helsti vandinn í glímu við verðbólguna, segir Seðlabankastjóri. Hún hefur reynst þrálát og stýrivextir eru óbreyttir. Forystumenn verkalýðsfélaga telja bankann lesa stöðuna rangt.

Ísraelsher heldur áfram árásum á Gaza á meðan vopnahlésviðræður fara fram í Egyptalandi. Bandaríkin frestuðu vopnasendingu til Ísraels vegna andstöðu við yfirvofandi innrás í Rafah.

Ellefta mánuðinn í röð var hitamet slegið á heimsvísu. Áhrifa gætir víða og óttast loftslagsvísindamenn að meðalhiti eigi enn eftir að hækka.

Mæting í brjósta- og leghálsskimun hefur dregist saman síðustu ár. Yfirlæknir segir að efla þurfi upplýsingagjöf til kvenna af erlendum uppruna.

Starfsmenn Norðurþings hafa unnið að því í dag að fjarlægja hræ af kindum og selum úr landi sveitarfélagsins. Þetta er ekki í fyrsta sinn sem hræ eru skilin eftir á þessum slóðum, í óþökk heimamanna.

Grænlendingar ætla að draga sig úr Norðurlandaráði. Formaður grænlensku landsstjórnarinnar segir að Grænlendingar hafi verið útundan í utanríkis-, öryggis- og varnarmálum aðildarríkjanna.

Ísland komst ekki áfram í Eurovision í gær. Mun færri horfðu á undankeppnina á RÚV en hafa horft síðustu ár.

Karlalandsliðið í handbolta mætir Eistlandi í fyrri umspilsleik liðanna um sæti á HM í handbolta Í kvöld. Með sigri í einvíginu tryggir Ísland sér sæti á HM í áttunda sinn í röð.

Frumflutt

8. maí 2024

Aðgengilegt til

Rennur ekki út

• 00:01:46 Fullnægjandi aðhaldi náð með stýrivöxtum
• 00:03:16 Verkalýðsfélögin bregðast við stýrivaxtaákvörðun
• 00:04:49 Sænski seðlabankinn
• 00:05:07 Frestuðu hernaðaraðstoð til Ísrael
• 00:07:12 Árásir á orkuinnviði Úkraínu
• 00:08:05 Loftslagsmet og slæmar horfur
• 00:09:36 Brjósta- og leghálsskimun
• 00:11:41 Dýrahræ á víðavangi á Húsavík
• 00:13:30 Áhugi á kosningum
• 00:14:14 Ráðist á þýskan stjórnmálamann
• 00:16:06 Egede setur Norðurlandaráð á ís
• 00:16:34 Eurovision og áhorfstölur
• 00:18:22 Íþróttir
• 00:20:20 Veður
• 00:20:42 Seinni helst

Útvarpsfréttir.