Hádegisfréttir

Hádegisfréttir 22. október 2024

Enn hafa hvorki bráðabirgðavarnir né lokanir verið settar upp við Stuðlagil þar sem banaslys varð fyrr í mánuðinum. Öryggissérfræðingur hjá Ferðamálastofu segir landeigendur oft í erfiðri stöðu og ekki geta lokað landi þó að ferðamenn setji sig í hættu.

Fjöldi þjóðþekktra einstaklinga vill komast á þing. Þar á meðal verkalýðsforingjar, yfirlögregluþjónn og hátt settir embættismenn.

Þingkosningar í Georgíu á laugardaginn gætu skorið úr um hvort stjórnvöld horfi á næstu árum til vesturs eða austurs. Stærstu flokkar stjórnarandstöðunnar hafa sameinast um myndun nýrrar ríkisstjórnar eftir kosningarnar og gætu saman náð meirihluta.

Tíu milljónum færri búa í Úkraínu nú en fyrir allsherjarinnrás Rússlandshers í febrúar 2022. Milljónir hafa flúið land og fæðingartíðni hefur hríðfallið.

Samningafundum Kennarasambandsins og Sambands íslenskra sveitarfélaga verður frestað þar til Félagsdómur tekur afstöðu til lögmætis verkfallsboðunar kennara.

Sveitarfélög á Vesturlandi vilja bregðast við læknaskorti með því að efla fjarheilbrigðisþjónustu, uppfæra húsakost heilsugæslustöðva og fá fleiri sérverkefni til sjúkrahúsa.

Aukin hveravirkni hefur sést í Haukadal. Engar breytingar hafa komið fram á mælum Veðurstofunnar og leita vísindamenn skýringa.

Frumflutt

22. okt. 2024

Aðgengilegt til

Rennur ekki út

• 00:01:36 Almannavarnir skoða ferðamannastaði
• 00:04:02 Stjórnmálin og fjárlög
• 00:06:34 Kosningar í Moldóvu og Georgíu
• 00:08:24 Samningafundi kennara frestað
• 00:09:02 10 milljóna fólksfækkun í Úkraínu
• 00:10:14 Þróa þarf fleiri leiðir til að bregðast við
• 00:12:00 SSV vilja fleiri lækna
• 00:13:53 Efasemdir um lögmæti peningagjafar
• 00:15:22 Biðlistar eftir félagslegu húsnæði á Akureyri
• 00:16:34 Metnir hæfastir
• 00:17:04 Óvenjulega virkur Geysir
• 00:18:12 Íþróttir

Útvarpsfréttir.