Hádegisfréttir

Hádegisfréttir 29. maí 2024

Kvikuhlaup er hafið á Sundhnúksgígaröðinni og eldgos gæti byrjað á hverri stundu. Áköf skjálftahrina hófst í morgun og voru Grindavík, Bláa lónið og orkuverið í Svartsengi rýmd.

Bandarísk stjórnvöld segja að innrás Ísralshers í Rafah sé ekki hafin af fullum þunga og því sé ekki verið að stíga yfir þá línu sem dregin hafi verið í sandinn.

Fjölda starfsmanna Icelandair verður sagt upp í dag. Fyrirtækið hefur ekki gefið upp hversu mörgum.

Dómur verður kveðinn upp í kynferðisbrotamáli Kolbeins Sigþórssonar á mánudag. Héraðsdómur var fjölskipaður sem er undantekning í málum eins og þessum.

Þingmenn í samgöngunefnd Alþingis hrukku við þegar þeir lásu í fréttum að áætlaður heildarkostnaður við nýjan veg yfir Hornafjarðarfljót væri 8,8 milljarðar króna.

Lögregla fer fram á áframhaldandi gæsluvarðhald yfir manni sem grunaður er um að hafa orðið konu sinni að bana á heimili þeirra á Akureyri í apríl.

Fágætasta plata sögunnar, úr smiðju rappsveitarinnar Wu Tang Clan, verður spiluð að hluta á safni í Ástralíu eftir fáeinar vikur. Hún átti upphaflega ekki að heyrast fyrr en eftir rúm 80 ár.

Íslandsmeistarar í körfubolta karla verða krýndir í kvöld. Bikarinn getur einnig farið á loft í handboltanum.

Frumflutt

29. maí 2024

Aðgengilegt til

Rennur ekki út

• 00:01:33 Veðurstofa
• 00:04:21 Grindavíkurafleggjari
• 00:07:15 Almannavarnir
• 00:08:26 BNA gefa Rafah-aðgerðum grænt ljós
• 00:10:43 Uppsagnir hjá Icelandair
• 00:12:00 Dómur í máli Kolbeins á mánudag
• 00:13:25 Samgöngunefnd undrandi á kostnaði
• 00:15:40 Framlengja gæsluvarðhald í Naustahverfismáli
• 00:16:07 Wu Tang Clan-plata spiluð á safni
• 00:18:11 Íþróttir
• 00:20:11 Veður
• 00:20:36 Seinni helst

Útvarpsfréttir.