Hádegisfréttir

Hádegisfréttir 17. maí 2024

Kvikusöfnun er komin að efri þolmörkum undir Svartsengi og því líkur á kvikuhlaupi á allra næstu dögum segir Kristín Jónsdóttir, fagstjóri á Veðurstofunni. Hún segir þó mikilvægt að hafa í huga að atburðarásin verði ekki alltaf sú sama.

Það skýrist eftir hádegi hvort gæsluvarðhalds eða farbanns verði krafist yfir skipstjóra og stýrimanni flutningaskipsins Longdawn sem talið er að hafi rekist á strandveiðibát út af Garðskaga í fyrrinótt.

Ísraelsmenn herða enn sókn sína í Rafah þrátt fyrir áhyggjur alþjóðasamfélagsins. Bandaríkjaher hefur hafið flutning á neyðaraðstoð um bráðabirgðabryggju.

Bæjarstjórn Ölfuss heldur aukafund í dag til að ræða gagnrýni fiskeldisfyrirtækisins First Water á fyrirhugaða mölunarverksmiðju Heidelberg í bænum. Bæjarstjórinn segir bréf fyrirtækisins hafa áhrif á íbúakosningu, en fulltrúi minnihlutans segir það engu breyta.

Ingibjörg Sólrún Gísladóttir fyrrum utanríkisráðherra leiðir hóp sérfræðinga sem leggja eiga mat á framkvæmd og undirbúning kosninganna til Evrópuþingsins í næsta mánuði. Meira en fjögur hundruð milljónir eru á kjörskrá í tuttugu og sjö aðildarríkjum Evrópusambandsins.

Olíubrúsi sást á gólfi á skrifstofu Austurljóss á Egilsstöðum sem eyðilagðist í eldsvoða á sunnudag. Eigandi fyrirtækisins telur að kveikt hafi verið í húsnæðinu. Lögreglan rannsakar eldsupptök og reynir að ná gögnum af lítt bráðnuðu minniskorti öryggismyndavélar.

Frumflutt

17. maí 2024

Aðgengilegt til

Rennur ekki út

• 00:01:47 Krístin Jónsdóttir um mögulegt eldgos
• 00:03:22 Rannsókn á sjóslysi
• 00:04:11 Enn barist í Rafah
• 00:06:35 Bæjarstjórn á óvæntum aukafundi
• 00:08:14 Húsleit hjá árasarmanni Fico
• 00:08:59 Grunur um íkveikju í Austurljósi
• 00:10:57 Boða nýjar aðgerðir vegna Grindavíkur
• 00:11:22 Eftirlit með Evrópukosningum
• 00:13:38 Engin þyrla til Akureyrar
• 00:15:28 Brunaútkall á Seltjarnarnesi
• 00:15:41 Haukur Morthens 100 ára
• 00:17:29 Íþróttir
• 00:19:50 Veður
• 00:20:10 Seinni helst

Útvarpsfréttir.