Hádegisfréttir

Hádegisfréttir 8. september 2024

Fjölskylda fjölfatlaðs manns sem býr á sambýli í Reykjavík hefur þurft að sitja yfir honum sólarhringum saman eftir að hann slasaðist í tvígang. Talsmaður mannsins segist efast um að Velferðarsvið borgarinnar átti sig á ástandinu á sambýlinu þar sem sé mikil mannekla.

Um sjö hundruð og fimmtíu þúsund mótmæltu á götum Ísreaels í gærkvöld. Þetta eru fjölmennustu mótmæli í sögu landsins.

Fjórar minniháttar líkamsárásir voru tilkynntar á Ljósanótt í Reykjanesbæ um helgina. Engum vopnum var beitt og engin vopn gerð upptæk á hátíðinni. Töluvert var um ölvun unglinga.

Leiðtogi stjórnarandstöðunnar í Venesúela flaug í morgun til Spánar þar sem honum hefur verið veitt hæli. Hann hefur verið í felum undanfarnar vikur eftir að hafa átt yfir höfði sér allt að þrjátíu ára fangelsi.

Íbúar á Grundarfirði og nærsveitum eru beðnir um að spara rafmagn, sem keyrt er á varaafli, eftir alvarlega bilun í nótt.

Hart er deilt um hafnarframkvæmdir í sveitarstjórn Langanesbyggðar vegna frystiklefa sem Ísfélagið hyggst byggja á Þórshöfn. Minnihlutinn sakar meirihlutann um brot á skipulagslögum og fullyrðir að sveitarfélagið taki á sig kostnað sem Ísfélagið ætti að bera.

Nú er réttað um land allt og bændur farnir að smala fé sínu með dyggri aðstoð heimamanna - og annarra áhugasamra. Við heyrum í fjallaskilastjóra í miðjum réttum í Skrapártungurétt fyrir norðan.

Frumflutt

8. sept. 2024

Aðgengilegt til

Rennur ekki út

• 00:00:00 Helst
• 00:01:37 Slasaðist á sambýli - framhald
• 00:03:32 Mótmæli í Ísrael
• 00:05:42 Ljósanótt - lögreglan
• 00:07:25 Rafmagnstruflanir á Grundafirði
• 00:08:57 Gonzalez Urrutia fær hæli á Spáni
• 00:09:54 Skotárás í Kentucky
• 00:10:33 Langanesbyggð borgi fyrir Ísfélagið
• 00:12:46 Fjallskilastjóri
• 00:14:16 Amodovar hlaut Gulljónið
• 00:15:45 Íþróttir

Útvarpsfréttir.