Hádegisfréttir

Hádegisfréttir 14. nóvember 2023

Gliðnun heldur áfram yfir kvikuganginum í og við Grindavík. Hættumat er það sama og í gær og getur ástandið varað í nokkra daga. Allir sem fara inn til Grindavíkur þurfa að gæta vel að sprungum.

Fyrirtækjaeigendur fóru inn á hættusvæðið í Grindavík í morgun til að bjarga verðmætum. Verkfæri, tæki og matvæli voru meðal þess sem flutt var burt í kappi við tímann.

Mikilvægast er að huga að húsnæði fyrir Grindvíkinga, enda ekki vitað hvenær þeir geti flutt aftur heim. Þetta segir forseti bæjarstjórnar Grindavíkur, sem heldur í dag sinn fyrsta fund frá því að bærinn var rýmdur.

Rúmlega 900 fyrirtæki fóru í gjaldþrot á fyrstu átta mánuðum þessa árs sem er nærri þreföldun á milli ára. Auka þarf framlag til Ábyrgðasjóðs launa um tæpan hálfan milljarð vegna þessa.

Bandaríkjaforseti hefur bæst í hóp þeirra sem biðla fyrir skjaldborg um heilbrigðisþjónustu á Gaza. Nær öll sjúkrahús eru þar óstarfhæf, einkum vegna orkuskorts.

Ný ríkisstjórn Pedro Sanchez, forsætisráðherra Spánar verður að líkindum staðfest á fimmtudaginn, eftir að Sanchez og flokkur hans gerðu umdeilt samkomulag um sakaruppgjöf fyrir aðskilnaðarsinna í Katalóníu.

Frumflutt

14. nóv. 2023

Aðgengilegt til

Rennur ekki út

• 00:00:07 Jarðhræringar - vísindamat Kristín Jónsd Jarðhr
• 00:03:45 Víðir í Samhæfingarmiðstöðinni
• 00:07:21 Staðan í Grindavík
• 00:09:13 Áhrif á fyrirtæki í Grindavík
• 00:11:25 Atvinnuleysisbætur afturvirkar
• 00:12:00 Bæjarstjórn Grindavíkur fundar
• 00:14:03 Fjáraukalög
• 00:15:51 Vilja slá skjaldborg um spítala á Gaza
• 00:17:40 Væringar í spænskum stjórmálum
• 00:19:34 SAk beðið að hætta fjarlækningum
• 00:21:28 Íþróttir

Útvarpsfréttir.