Urðunarstaður hefur fundist fyrir um sjö hundruð fjár sem aflífuð voru í Miðfirði í vikunni vegna riðusmits. Yfirdýralæknir segir urðun hafna en vill ekki gefa upp staðsetningu til að tryggja vinnufrið.
Uppljóstranir um njósnir rússneskra skipa á norrænu hafsvæði eru ógnvænlegar, segir utanríkisráðherra, þótt þær komi á óvart. Hún telur sömu hættu steðja að Íslandi og öðrum ríkjum á Norðurlöndum.
Jens Stoltenberg framkvæmdastjóri NATÓ kom í óvænta heimsókn til Kænugarðs í Úkraínu í morgun. Hann segir að Úkraína eigi heima í bandalaginu.
Gífurlegt bakslag hefur orðið í bólusetningu barna samkvæmt nýrri skýrslu UNICEF. Hátt sjötíu milljónir barna hafa misst af einni eða fleiri bólusetningum á síðustu þremur árum.
Fulltrúar frá hollensku björgunarfyrirtæki eru komnir til landsins til að útbúa björgunaráætlun fyrir flutningaskipið Wilson Skaw sem strandaði í Húnaflóa í fyrradag.
Sumarið heilsar landsmönnum með hlýindum og spáð mildu veðri á öllu landinu í dag. Næturfrost mældist á fjórum stöðum á landinu í nótt.
Deildarmeistarar Vals í handbolta karla eru úr leik í baráttunni um Íslandsmeistaratitilinn. Valur tapaði báðum leikjunum gegn Haukum í 8-liða úrslitum úrslitakeppninnar.
