Hádegisfréttir

Hádegisfréttir 08. apríl 2023

Olíulekinn sem varð á bensínstöð Costco í desember síðastliðnum hafði veruleg áhrif á lífsgæði íbúa á svæði fráveitunnar í Hafnarfirði að mati heilbrigðiseftirlitsins. Lögmaður Costco mótmælir því.

Þrír almennir borgarar hafa fallið í árásum í Ísrael og Palestínu undanfarinn sólarhring. Spennan milli Ísraelsmanna og Palestínumanna hefur farið stigvaxandi undanfarna daga.

Smábátasjómanni sem ætlaði á grásleppu á Þórshöfn í morgun varð hverft við þegar rostungur reis upp á móti honum á bryggjunni og hvæsti hátt. Rostungurinn hvílir sig nú á bryggjunni en vegfarendum þykir hann laslegur.

Flugvélin sem Nice Air hafði afnot af er á Írlandi þar sem fyrirhugað er að hún verði rifin.

Bóndi í Skagafirði segir hagstæðara að vera á bótum en að hefja sauðfjárrekstur á ný eftir riðuástand í Skagafirði. Hann segir samninginn sem gerðan var við bændur virka eins og starfslokasamning.

Íhaldssamur dómari í Texas hefur sett dreifingu þungunarrofslyfsins Mifepristone í uppnám. Forseti og varaforseti Bandaríkjanna hafa gagrýnt úrskurðinn harðlega.

Hæstaréttardómari í Bandaríkjunum hefur um 20 ára skeið þegið ferðir í einkaþotum og snekkjum frá manni sem styrkt hefur kosningasjóði Repúblíkana. Dómarinn segist aðeins hafa verið að þiggja boð frá góðum vini.

Frumflutt

8. apríl 2023

Aðgengilegt til

Rennur ekki út

• 00:01:38 Costco leki
• 00:04:06 Þrír féllu í árásum í Palestínu og Ísrael
• 00:06:04 Rostungur
• 00:07:54 Nice Air vélin á leiðinni í niðurrif
• 00:08:50 Dreifing þungunarrofslyfs stöðvuð með dómi
• 00:10:24 Sauðfjárrekstur í kjölfar riðu
• 00:12:37 Hæstaréttardómari þáði lúxusferðir frá Repúblíkana
• 00:14:24 Íþróttir
• 00:16:30 Veður
• 00:16:59 Seinni helst

Útvarpsfréttir.