Ekkert lát er á kvikusöfnun undir Svartsengi. Næsta eldgos gæti orðið stærra og gosprungan opnast á nýju svæði, jafnvel nær Grindavík.
Ísraelsher segist hafa gert yfir sjötíu árásir á Gaza á síðasta sólarhring. Hjálpargögn eru farin að berast um flotbryggju sem dregin var að strönd Gaza í gær.
Katrín Jakobsdóttir hefur endurheimt forskot sitt á Höllu Hrund í nýjum þjóðarpúlsi Gallup. Stjórnmálafræðingur segir fylgisaukningu Höllu Tómasdóttur marktæka.
Úkraínuforseti segir að herinn hafi aðeins um fjórðung vopna sem til þarf að verjast árásum Rússa og viðurkennir að fáliðaður herinn skorti baráttuþrek.
Dómsmálaráðherra harmar andlát fanga á Litla-Hrauni og segir erfitt að tryggja öryggi fanga við núverandi aðstæður. Heildarendurskoðun á fangelsismálakerfinu sé í pípunum.
Kosning utan kjörfundar fyrir forsetakosningarnar lauk í Svíþjóð á hádegi. Fréttastofa leit við á kjörstað í Gautaborg.
