Hádegisfréttir

Hádegisfréttir 17. júní 2024

Forsætisráðherra varð tíðrætt um þær ógnir sem steðja að lýðræðinu og skautun í íslensku samfélagi í hátíðarræðu á Austurvelli í morgun. Aukin öryggisgæsla var í miðborginni á meðan hátíðarhöldin fóru fram.

Um tíu verslanir urðu fyrir altjóni í eldsvoðanum í Kringlunni. Unnið er að því að hægt verði að opna flestar búðir þar á morgun.

Forsætisráðherra Ísraels leysti í morgun upp stríðsráðuneyti landsins. Leiðtogi stjórnarandstöðunnar sagði sig úr ráðuneytinu á dögunum.

Allt bendir til þess að Ursula von der Leyen haldi áfram sem forseti framkvæmdastjórnar Evrópusambandsins. Tilnefning hennar verður rædd á óformlegum fundi leiðtoga ESB í Brussel í dag og að líkindum formlega afgreidd í lok mánaðarins.

Erasmus skiptinemar frá háskólum víðsvegar um Evrópu stunda nám við Landbúnaðarháskólann á Hvanneyri í haust. Alþjóðafulltrúi skólans segir votlendið í kring veita spennandi tækifæri til rannsókna fyrir erlenda nemendur.

Þjóðhátíðardeginum er fagnað um allt land í dag. Gert er ráð fyrir frekar þungbúnu veðri með vætu sunnanlands og vestan en mildara á Norður- og Austurlandi.

Frumflutt

17. júní 2024

Aðgengilegt til

Rennur ekki út

• 00:01:23 Hátíðarræða forsætisráðherra
• 00:03:19 Þjóðhátíðardagur Íslendinga
• 00:05:40 Kringlan
• 00:07:15 Stríðsráðuneyti leyst upp
• 00:08:32 Deyja úr hita á Grikklandi
• 00:09:09 Leiðtogafundur ESB í Brussel
• 00:11:15 Stöðug virkni og lítil gasmengun
• 00:11:39 Rafmagn aftur komið á í Mosfellsbæ
• 00:11:59 Metaðsókn skiptinema í LBHÍ
• 00:13:53 Íþróttir

Útvarpsfréttir.