Hádegisfréttir

Hádegisfréttir 14. febrúar 2026

Bandaríkin eru ekki horfin frá hugmyndinni um bandalag vestrænna þjóða, sagði utanríkisráðherra Bandaríkjanna á öryggisráðstefnunni í München í morgun. Ræðu hans var beðið með nokkurri spennu.

Um þriðjungur skóla í höfuðborg Úkraínu eru án húshitunar eftir árásir Rússlandshers. Rússar hafa gert þungar árásir á orkuinnviði landsins á síðustu vikum.

Sigurður Ingi Jóhannsson flytur sína síðustu ræðu sem formaður Framsóknarflokksins í dag. Flokksþing Framsóknar hófst í morgun þar sem allra augu eru á formannsslagnum milli Ingibjargar Isaksen og Lilju Alfreðsdóttur.

Rósin, landsfélag jafnaðarfólks, hefur slitið samstarfi við fulltrúaráð Samfylkingarinnar. Varaformaður segir að félagið sé ósátt við að frambjóðandi þess fái ekki sæti á framboðslista flokksins í Reykjavík.

Vefsíða þar sem persónuupplýsingar um bandaríska alríkisfulltrúa voru birtar undir íslensku léni er á borði lögreglu. Innviðaráðherra vill breyta lögum um noktun íslenskra léna.

Prestar Digraneskirkju fá að vinna fyrir kaupinu sínu dag þar sem boðið verður upp á skyndi-giftingar í tilefni af degi elskenda. Átta pör verða gefin saman.

Jón Erik Sigurðsson er í 38. sæti eftir fyrri ferðina í stórsvigi karla á Vetrarólympíuleikunum. Búast má við honum í seinni ferðina upp úr klukkan eitt.

Birt

14. feb. 2026

Aðgengilegt til

Rennur ekki út

• 00:00:00 Helst
• 00:01:39 Öryggisráðstefnan í München
• 00:05:45 Grunur um íkveikju
• 00:06:12 Flokksþing Framsóknarflokksins hafið
• 00:08:08 Komin til landsins eftir bílslys í Suður-Afríku
• 00:08:38 Rósin úr fulltrúaráði Samfylkingarinnar
• 00:10:31 Elítan óttast afleiðingar friðar
• 00:12:01 Þriðjungur skóla án hitunar
• 00:12:42 Franska lögreglan skaut mann við sigurbogann
• 00:13:26 ICE-vefsíða á borði lögreglu og ráðherra vill brey
• 00:14:57 Hraðbrúðkaup á Valentínusardegi
• 00:16:45 Íþróttir

Útvarpsfréttir.