Hádegisfréttir

Hádegisfréttir 11. október 2023

Rúmlega þúsund hafa fallið í loftárásum Ísraelshers á Gaza síðan um helgina og yfir fimm þúsund særst. Fjöldi ísraelskra hersveita er við landamærin að Gaza og innrás virðist yfirvofandi.

Afsögn Bjarna Benediktssonar kann að leiða til uppstokkunar innan ríkisstjórnarinnar. Ákall er um breytingar til að bregðast við minnkandi fylgi stjórnarflokkanna.

Björgunarsveitir voru kallaðar margoft út í nótt, bæði vegna foktjóns og til að aðstoða ferðalanga í vanda. Mikill fjöldi varð innlyksa á Djúpavogi vegna veðurs og vegalokana. Allt gistipláss fylltist í bænum og Rauði krossinn opnaði fjöldarhjálparstöð.

Snarpur jarðskjálfti varð í Afganistan í morgun. Yfir þúsund létust í skjálfta þar á laugardag.

Saksóknari í Héraðsdómi Reykjaness fer fram á að maður á fertugsaldri sem gefið er að sök að hafa stungið meðleigjanda sinn til a bana í júní verði dæmdur í sextán ára fangelsi hið minnsta. Aðalmeðferð í málinu hélt áfram í dag.

Forstjóri Lyfjastofnunar segir ekki hafa verið rætt að taka lyfið oxykontín af markaði. Lyfið geri gagn sé það notað rétt.

Reykjavíkurborg hefur efnt til samkeppni um rekstur og nýtingu Sunnutorgs við Langholtsveg í Reykjavík.. Sunnutorg hefur tvisvar verið auglýst til sölu á síðustu árum, án árangurs.

Frumflutt

11. okt. 2023

Aðgengilegt til

Rennur ekki út

• 00:01:34 Innrás á Gaza yfirvofandi
• 00:03:47 Staðan á Alþingi
• 00:06:23 Mikill fjöldi innlyksa á Djúpavogi í nótt
• 00:08:46 Zelensky á NATO fundi
• 00:11:50 Aðalmeðferð í Drangahraunsmálinu
• 00:13:54 Annar jarðskjálfti í Afganistan
• 00:14:57 Lyfjastofnun og ópíóíðar
• 00:16:46 Samið um stjórnarmyndun í Slóvakíu
• 00:17:23 Sunnutorg samkeppni
• 00:17:55 Íþróttir
• 00:19:57 Veður
• 00:20:30 Seinni helst

Útvarpsfréttir.