Hádegisfréttir

Hádegisfréttir 2. júlí 2026

Álagning olíufélaganna hefur aukist mikið undanfarin ár. Hún hækkaði í lok síðasta árs, rétt áður en olíugjald var lagt niður.

Stjórnvöld í Úkraínu fyrirskipuðu að sprengja skyldi Nord Stream-gasleiðslurnar haustið 2022. Maður sem er sagður hátt settur í Úkraínuher hefur verið ákærður í Þýskalandi.

Að minnsta kosti átján voru drepin í árásum Rússa á Kyiv höfuðborg Úkraínu í nótt. Árásirnar beindust meðal annars að hóteli og heilbrigðisstofnun.

Brotist var inn í Efstaleitisapótek í Reykjavík í gærkvöld. Innbrotsþjófurinn flúði af vettvangi á Hopp-deilibíl.

Hundruð björgunarliða frá sjö löndum keppast við að ná manni undan rústum í Venesúela, átta dögum eftir jarðskjálftana.

Breytingar á forgangsröðun jarðganga kalla á aukið viðhald á veginum um Fjarðarheiði, segir svæðisstjóri hjá Vegagerðinni. Hann tekur undir það að aukið fjármagn þurfi til viðhalds á vegum á Austurlandi.

Nærri tveimur milljónum gervihnatta verður skotið á sporbaug jarðar á næstu árum, gangi áform Space X eftir. Stjarneðlisfræðingar vara við því að gervihnettirnir spilli geimrannsóknum.

Lögregla í New York handtók par sem klifraði á topp Empire State-byggingarinnar, hífði upp fána og trúlofaði sig.

Ísland mætir Ítalíu í kvöld í undankeppni fyrir heimsmeistaramótið í körfubolta á næsta ári.

Birt

2. júlí 2026

Aðgengilegt til

Rennur ekki út

• 00:01:36 Álagning á eldsneyti jókst fyrir áramót
• 00:03:34 Forstjóri SKE um eldsneytismarkaðinn
• 00:06:35 Saka Úkraínu um skemmdir á Nord Stream
• 00:08:31 Umfangsmiklar árásir á Kyiv
• 00:09:10 Flúði af vettvangi í hopp-bíl
• 00:10:45 Grunaðir um stórfellt fíkniefnalagabrot
• 00:11:12 Fastur undir rústum í 8 daga
• 00:12:44 Krefjast þess að hvalveiðar verði stöðvaðar
• 00:13:17 Viðhald vega á Austurlandi
• 00:15:29 Ein hópuppsögn í júní
• 00:15:43 Gervihnettir hindra vísindarannsóknir
• 00:17:20 Klifruðu á topp Empire State byggingarinnar
• 00:18:43 Íþróttir

Útvarpsfréttir.