Hádegisfréttir

Hádegisfréttir 11. ágúst 2024

Útlendingastofnun fylgist náið með þróun mála í Venesúela, en metur aðstæður þar að sinni ekki svo hættulegar að allir sem þaðan koma eigi rétt á alþjóðlegri vernd. Rúmlega tuttugu Venesúelabúum var flogið af landi brott í gær eftir að hafa verið synjað um vernd.

Úkraínuforseti viðurkenndi í gær að þarlendir hermenn hefðu ráðist inn í Kursk-hérað í Rússlandi. Hingað til hafa Úkraínumenn verið þögulir um aðgerðir sínar.

Landris heldur áfram við Svartsengi. 63 skjálftar hafa mælst á Reykjanesskaga undanfarinn sólarhring, heldur færri en sólarhringinn á undan, þótt virkni sé enn stöðug.

Formaður hinsegin daga segir það ofboðslega leiðinlegt að fólk hafi upplifað óöryggi og hræðslu þegar vagn lenti á járngrind í gleðigöngunni í gær. Til greina komi að breyta leið göngunnar.

Landeigendur og fulltrúar Landverndar segja mikilvægt að standa vörð um heiðar landsins sem nú eigi undir högg að sækja vegna virkjunaráforma. Gengið er um Norðurárdal í dag til að vekja athygli á heiðum í háska.

Mokveiði hefur verið í Laxá í Dölum - einni bestu laxveiðiá landsins - og allt að sextíu fiskar komið á land á dag.

Frumflutt

11. ágúst 2024

Aðgengilegt til

Rennur ekki út

Útvarpsfréttir.