Hádegisfréttir

Hádegisfréttir 4. september 2023

Tveir mótmælendur hafa hlekkjað sig fasta við möstur hvalveiðiskipa Hvals hf. í Reykjavíkurhöfn. Þeir vilja stöðva hvalveiðar á Íslandi.

Kona á þrítugsaldri dó þegar hún féll fram af klettum við smábátahöfnina á Vopnafirði í nótt. Konan var úrskurðuð látin þegar að var komið.

Varnarmálaráðherra Úkraínu er hættur störfum. Forseti landsins vill breyta áherslum í varnarmálaráðuneytinu, þar hafa komið upp spillingarmál.

Samskip og Eimskip sammæltust um að draga úr þjónustu til að nýta skip sín betur. Samráð þeirra bitnaði illa á Alcoa Fjarðaáli á Reyðarfirði. Samskip knúðu fram yfir 130 prósenta verðhækkun á álflutningum eftir bankahrunið.

Rússlandsforseti kveðst reiðubúinn til að ræða um öruggan kornútflutning frá Úkraínu. Hann situr fund með Tyrklandsforseta í dag og hefur sá síðarnefndi boðað mikilvæga tilkynningu að fundinum loknum.

Allt að 15% unglingsstúlkna hefur verið nauðgað af jafnaldra og Um helmingur unglinga er kvíðinn eða dapur. Þetta sýnir ný æskulýðsrannsókn. Niðurstöður rannsóknarinnar voru kynntar á farsældarþingi barna í dag.

Óeirðir brutust út í Malmö í Svíþjóð í nótt. Kveikt var í bílum og ruslageymslum í mótmælaskyni við kóranbrennu fyrr um daginn.

Lokaumferð fyrri hluta Bestu deildar karla var i gær. Framundan er úrslitahlutinn en þar, líkt og í Bestu deild kvenna, er ansi lítil spenna og Íslandsmeistarar gætu verið krýndir strax í fyrstu umferð.

Frumflutt

4. sept. 2023

Aðgengilegt til

Rennur ekki út

• 00:01:51 Hvalveiðimótmæli
• 00:05:31 Banaslys á Vopnafirði
• 00:05:49 Varnarmálaráðherra Úkraínu hættir
• 00:07:29 Samráð bitnaði á Fjarðaáli
• 00:10:15 Pútín og Erdogan funda
• 00:11:00 Íslenska æskulýðsrannsóknin
• 00:13:06 Atvik á Ljósanótt
• 00:13:55 Óeirðir í Malmö í nótt
• 00:15:11 Tveir látnir eftir flóð á Spáni
• 00:15:41 Leikskólafræðinám
• 00:17:25 72 þúsund manns að sleppa frá Burning Man
• 00:18:11 Íþróttir

Útvarpsfréttir.