Hádegisfréttir

Hádegisfréttir 29. nóvember 2023

Lögreglan í Vestmannaeyjum rannsakar hvort gáleysi skipverja sem skemmdu vatnslögnina til Eyja, sé refsiverð. Ef leiðslan gefur sig er óvíst að hægt verðiað tryggja atvinnulífinu í bænum ferskvatn. Yfirlögregluþjónn almannavarnasviðs ríkislögreglustjóra og dómsmálaráðherra fóru til Eyja í dag.

Karlmaður á fertugsaldri, sem var fluttur á sjúkrahús eftir eldsvoða í Stangarhyl á sunnudag, er látinn. Þetta er annað dauðsfallið á stuttum tíma eftir eld í atvinnuhúsnæði þar sem fólk býr.

Verði heilbrigðiskerfi ekki komið fljótt í gang á Gaza er hætt við að fleiri deyi úr sjúkdómum en hafa þegar beðið bana í sprengjuárásum.

Dregið hefur úr aflögun og skjálftavirkni í nágrenni Grindavíkur, enn eru taldar líkur á eldgosi og líklegast að gjósi austan Sýlingarfells. Vísbendingar eru um að höfnin í Grindavík hafi dýpkað í jarðhræringunum.

Ekki hafa allir Grindvíkingar tök á að snúa til vinnu þó að fyrirtæki í bænum geti hafið starfsemi. Formaður verkalýðsfélags Grindavíkur segir atvinnurekendur sýna því skilning.

Vopnfirðingar fengu dísilblandað bensín hjá N1 í næstum sex sólarhringa áður en uppvíst varð um mistök Olíudreifingar við áfyllingu. Tuttugu tveir bílar bílar hafa farið í viðgerð og verða líklega fleiri.

Frumflutt

29. nóv. 2023

Aðgengilegt til

Rennur ekki út

• 00:01:33 Rannsaka gáleysi í tengslum við vatnslögn
• 00:03:35 Markmiðið að koma í veg fyrir neyðarástand
• 00:04:50 Látinn eftir eldsvoða í Stangarhyl
• 00:05:21 Sjúkdómar breiðast út á Gaza
• 00:07:13 Þorsteinn Sæmundsson allur
• 00:08:57 Höfnin í Grindavík og staðan
• 00:10:13 Launafólk aftur til vinnu í Grindavík
• 00:11:31 Boða til mótmæla á Kópavogsvelli
• 00:12:12 Þjóðhagsráð ræðir kjaramálin
• 00:12:45 Fjölskipaður dómur í hryðjuverkamáli
• 00:13:43 Svíar í kreppu
• 00:14:24 Afganar koma til landsins
• 00:15:10 Ríkisstjórnin styrkir góðgerðarsamtök
• 00:15:34 Dísil á bensíndælunni á Vopnafirði
• 00:17:58 Íþróttir
• 00:20:24 Veður
• 00:20:43 Seinni helst

Útvarpsfréttir.