Þingflokksformaður Viðreisnar segir mál matvælaráðherra um stöðvun hvalveiða alvarlegt. Hún vill sjá að ráðamenn taki áliti umboðsmanns alvarlega áður en hún kallar eftir afsögn ráðherra.
Stórt gat kom á skrokk Boeing 737 Max 9 vélar bandaríska flugfélagsins Alaska Airlines skömmu eftir flugtak í gærkvöld. Félagið hefur kyrrsett allar vélar þessarar gerðar. Fjórar slíkar eru í flota Icelandair.
Heilbrigðisráðherra segir að reynt hafi verið að virkja aðrar heilbrigðisstofnanir á höfuðborgarsvæðinu, til að fyrirbyggja of mikið álag á Landspítala vegna árstíðabundinna veikinda. Það hafi þó ekki dugað til.
Orkubú Vestfjarða gerir ráð fyrir að brenna 3,4 milljónum lítra af olíu á næsta ári vegna orkuskerðinga. Orkan er skert vegna lágrar vatnsstöðu í Þórisvatni.
Hezbollah-samtökin létu eldflaugum rigna yfir herstöð Ísraelshers í morgun. Óttast er að átökin teygi anga sína víðar. Utanríkisráðherra Bandaríkjanna er á ferð um Miðausturlönd til að reyna að tryggja að svo fari ekki.
Joe Biden beindi spjótum sínum að Donald Trump þegar hann hóf formlega kosningabaráttu sína fyrir komandi forsetakosningar. Hann segir Trump reiðubúinn að fórna lýðræðinu til að komast til valda.
Bláa lónið var opnað fyrir baðgestum í dag. Framkvæmdastjóri lónsins segir áætlanir til staðar ef þurfi að rýma svæðið.
