Hádegisfréttir

Hádegisfréttir 22. júlí 2023

Sextíu manns voru hætt komin þegar óbrynnishólmi var við það að myndast á gosstöðvunum. Senda þurfti dróna með talstöð til hópsins, til þess að ná athygli þeirra.

Loftgæði á höfuðborgarsvæðinu virðast hafa skánað eftir að gosmóða í bland við þokuloft lá yfir í gær. Há gildi á fínu svifryki eru á niðurleið.

Spánverjar ganga að kjörborðinu á morgun, í kosningum sem gætu orðið sögulegar. Skoðanakannanir benda til þess að hægri flokkurinn Parti Popular fái mestan stuðning og gæti jafnvel tekið með sér öfgahægriflokkinn Vox inn í ríkisstjórn.

Helgin gæti orðið sú hlýjasta í Grikklandi í áratugi og svo gæti farið að hitabylgjan sem nú ríður yfir verði sú lengsta í sögu landins. Spáð er yfir fjörutíu og fimm stiga hita á morgun.

Landverðir við Herðubreiðarlindir segja sumarið óvenju rólegt. Líklega sé það vegna gossins á Reykjanesskaga.

Leiðtogar Færeyja og Grænlands lýsa yfir vonbrigðum með að hafa ekki verið boðið á fund norrænna þjóðarleiðtoga með Joe Biden Bandaríkjaforseta á dögunum.

Druslugangan verður gengin frá Hallgrímskirkju klukkan tvö í dag. Þetta er í ellefta sinn sem gangan er gengin og í ár beina skipuleggjendur sjónum sínum að rótum nauðgunarmenningar og hvers vegna enn sé ástæða til að ganga.

Frumflutt

22. júlí 2023

Aðgengilegt til

Rennur ekki út

• 00:01:48 Óbrynnishólminn
• 00:03:54 loftgæði að skána
• 00:04:27 Upphitun fyrir kosningar á Spáni
• 00:06:34 Stoltenberg um Útey
• 00:08:06 Enn mjög hlýtt á Grikklandi
• 00:09:34 Hálendisvaktin
• 00:11:07 Kókaínhákarlar
• 00:11:52 hvítbók í húsnæðismálum
• 00:12:59 Hefðu viljað boð á fund með Biden
• 00:14:24 Druslugangan
• 00:16:24 Íþróttir

Útvarpsfréttir.