Hádegisfréttir

Hádegisfréttir 25.júní 2024

Julian Assange, forsprakki og stofnandi Wikileaks, er frjáls maður eftir að hafa setið í fangelsi í fimm ár. Hann mun játa brot á njósnalöggjöf Bandaríkjanna.

Fíkniefni, lyf, sterar og skotvopn, eru meðal þess sem lögregla lagði hald á í umfangsmiklu fíkniefnamáli. Átján hafa réttarstöðu sakbornings og fimm eru í gæsluvarðhaldi.

Umdeild gjaldtaka á bílastæðum við innanlandsflugvelli er hafin. Á Egilsstöðum lét ósáttur íbúi skoðun sína í ljós og hengdi bol yfir myndavél.

Mikill samdráttur var í bílasölu og í sjávarútvegi í mars og apríl samanborið við sömu mánuði í fyrra og blikur eru á lofti í ferðaþjónustu.

Samningur um Uppbyggingarsjóð EES ríkjanna var samþykktur í ráðherraráði Evrópusambandsins í dag, rúmum þremur árum eftir að viðræður hófust. Samhliða voru samþykkt ákvæði um aukinn aðgang fyrir íslenskar og norskar sjávarafurðir inn á innri markaðinn.

Eldur kviknaði í mannlausri íbúð í fjölbýli á Akranesi í morgun. Tveimur var bjargað af svölum hússins.

Til stendur að hefja snjómokstur á veginum inn að Öskju á morgun. Óvenju mikill snjór er á þessari leið í ár og gæti tekið allt að þrjá daga að gera fært alla leið að Öskju.

Mánuður er þangað til Ólympíuleikarnir í París verða settir. Það liggur enn ekki fyrir hversu margir íslenskir íþróttamenn taka þátt.

Frumflutt

25. júní 2024

Aðgengilegt til

Rennur ekki út

• 00:01:41 Julian Assange frjáls
• 00:04:46 Umfangsmikið fíkniefnamál
• 00:05:56 Samningur um Uppbyggingasjóð samþykktur
• 00:07:55 Hengdi bol yfir rukkunarvél
• 00:08:37 Samdráttur og blikur á lofti í ferðaþjónustu
• 00:10:19 Íhaldsflokkurinn styður ekki eigin frambjóðendur
• 00:10:58 Yfirlýsing umhverfisverndarsamtaka
• 00:13:15 Strangtrúaðir þurfa að gegna herþjónustu
• 00:13:49 Gagnagíslataka
• 00:15:29 Framlengja dvalarleyfi flóttamanna frá Úkraínu
• 00:16:01 Eldur á Akranesi
• 00:17:02 Opna veginn inn í Öskju
• 00:17:38 Fjölskyldur stefna vegna boðorðanna 10
• 00:18:48 Íþróttir

Útvarpsfréttir.