Hádegisfréttir

Hádegisfréttir 8. nóvember 2024

Ríkið verður af milljörðum ef ekki tekst að afgreiða frumvarp um kílómetragjald fyrir kosningar. Fjármálaráðherra segir þingmenn tvístígandi vegna kosninganna.

Fellihýsi og gróðurhús tókust á loft í stormi á Vestfjörðum í gær. Rúður sprungu í íþróttamiðstöðinni á Þingeyri.

Fimm voru fluttir á sjúkrahús og tugir handteknir eftir að ráðist var á stuðningsmenn ísraelsks fótboltaliðs í Amsterdam í gærkvöld. Þjóðarleiðtogar fordæma ofbeldið og segja það skýrt dæmi um aukna gyðingaandúð.

Formaður fjárlaganefndar Alþingis segir ekki tímabært að bregðast við beiðni Landhelgisgæslunnar um aukin fjárframlög á næsta ári. Gæslan vill hátt í milljarð króna.

Landsréttur staðfesti í gær dóm Héraðsdóms Reykjaness yfir Reyni Traustasyni og útgefanda Mannlífs fyrir endurbirtingu á minningargrein úr Morgunblaðinu. Sótt verði um áfrýjunarleyfi til Hæstaréttar.

Framkvæmdastjóri HIV Íslands segir mörg dæmi um að fólk hafi fengið alnæmi hér á landi vegna þess að ekki var prófað fyrir HIV smiti í tíma. Svo virðist sem HIV sé að gleymast.

Reykjavík er í viðræðum við áhugasaman kaupanda að Perlunni í Öskjuhlíð. Tilboðið hljóðar upp á þrjá og hálfan milljarð króna. Borgarráð samþykkti á fundi sínum í gær að ganga til til viðræðna við hæstbjóðendur í Toppstöðina í Elliðaárdal.

Landsliðsþjálfari kvenna í körfubolta átti vart orð til að lýsa ánægju sinni með liðið eftir tapleik gegn fyrna sterku liði Slóvakíu í gær.

Frumflutt

8. nóv. 2024

Aðgengilegt til

Rennur ekki út

• 00:01:56 Tekist á um kílómetragjöld
• 00:03:48 Veðurútköll á Norður- og Vesturlandi
• 00:05:15 Árásir í Amsterdam
• 00:07:50 Njáll Trausti um TF-Sif
• 00:09:28 Nýir verkferlar Útlendingastofnunar
• 00:11:08 Fyrirtaka í máli mótmælenda gegn lögreglu
• 00:11:47 HIV smit ekki greind
• 00:13:55 Forsætisráðherra um hvalveiðileyfi
• 00:14:37 Atkvæðagreiðsla utankjörfundar
• 00:14:55 Reynir Trausti gegn Atla Viðari og Árvakri
• 00:16:22 Sala á eignum Reykjavíkurborgar
• 00:17:07 Villi Valli látinn
• 00:18:53 Íþróttir
• 00:20:39 Veður
• 00:21:06 Seinni helst

Útvarpsfréttir.