Hádegisfréttir

Hádegisfréttir 29. desember 2023

Ákveðið var á fundi ríkisstjórnarinnar í morgun að hefja strax gerð varnagarða í nágrenni Grindavíkur til að verja byggð og innviði. Áætlaður kostnaður er sex milljarðar króna.

Minnst sextán féllu í umfangsmestu loftárásum Rússa á Úkraínu til þessa. Meðal bygginga sem skemmdust voru íbúðarhús, vöruhús og fæðingardeild.

Félags- og vinnumarkaðsráðherra segir ljóst að ríkið verði með einhverjum hætti að stíga inn í kjaraviðræður Samtaka atvinnulífsins og verkalýðsfélaganna. Viðsemjendur þurfi þó fyrst að móta með hvaða hætti þeir ætla að ná samningum.

Persónuafsláttur fellur niður hjá lífeyrisþegum sem búa erlendis samkvæmt nýrri lagabreytingu. Breytingin átti að taka gildi um áramótin en Flokkur fólksins fékk henni frestað um eitt ár. Tryggingastofnun gerði ráð fyrir breytingunni í greiðsluáætlun sinni fyrir 2024.

Forsætisráðherra segir að stjórnvöld verði að ljúka umræðum um heildarsýn í raforkumálum. Forstjóri Landsvirkjunar óttast skort á raforku til heimila.

Ekki er útilokað að skotárásin í Hafnarfirði á aðfangadagskvöld tengist öðrum skotárásum fyrr á árinu. Tveir karlmenn voru í héraðsdómi í gær úrskurðaðir í vikulangt gæsluvarðhald.

Norðmaðurinn Magnus Carlsen vann heimsmeistaramót í skák í sextánda sinn í gær. Íslenskur skákmeistari sem hefur teflt við Carlsen segir að hann sé besti skákmaður sögunnar.

Frumflutt

29. des. 2023

Aðgengilegt til

Rennur ekki út

• 00:01:39 Grindavík varnargarðar
• 00:03:14 Stærsta árás Rússa í Úkraínu
• 00:06:19 Lífeyrisþegar erlendis fá ekki persónuafslátt
• 00:08:37 Katrín Jakobsdóttir og raforkumál
• 00:10:22 Trump meinað framboð í Maine
• 00:11:48 Félagsmálaráðherra um kjaramálin
• 00:14:17 Skotið á hjálpargagnalest SÞ á Gaza
• 00:15:01 Mögulega fleiri handteknir vegna skotárásar
• 00:16:07 Jarðarbúum fjölgaði um 75 milljónir 2023
• 00:17:18 Kuldakast fyrir norðan og snjóflóðahætta
• 00:18:35 Íþróttir
• 00:20:30 Veður
• 00:20:53 Seinni helst

Útvarpsfréttir.