Hádegisfréttir

Hádegisfréttir 18. mars 2026

Seðlabankinn hækkaði vexti um núll komma tuttugu og fimm prósentustig í morgun. Seðlabankastjóri segir að þrálát verðbólga ráði mestu um hækkunina. Svartsýni gætir á að forsendur kjarasamninga haldi.

Forseti ASÍ segir að bankarnir séu nú þegar með okurvexti og eigi ekki að þurfa að hækka þá meira. þrátt fyrir ákvörðun Seðlabankans.

Rannsókn Húsnæðis- og mannvirkjastofnunar á eldsvoðanum á Stuðlum leiddi í ljós verulega annmarka á brunavörnum. Talið er að hægt hefði verið að koma í veg fyrir mannslát.

Starfsmaður leikskóla á Akranesi var handtekinn á mánudag, grunaður um kynferðisbrot gegn barni. Ekki var krafist gæsluvarðhalds en lögregla segir rannsókn málsins í algjörum forgangi.

Ísraelsher hefur gert árásir á miðborg Beirút í dag. Varnarmálaráðherra Ísraels segir íranskan ráðherra hafa fallið í gær.

Fimm karlar hafa verið úrskurðaðir í gæsluvarðhald grunaðir um alvarlega líkamsárás á þrjá menn í Reykjavík aðfaranótt þriðjudags. Einn er á gjörgæsludeild eftir árásina.

Umfjöllun fréttaskýringarþáttarins Kveiks í gærkvöld er lýsandi fyrir aðstæður dýra í loðdýrarækt, segir formaður Dýraverndarsamtaka Íslands. Hún segir brýnt að herða lög um velferð dýra og gera Matvælastofnun kleift að sinna eftirliti.

Íslenska kvennalandsliðið í körfubolta er úr leik í forkeppni Evrópumótsins þrátt fyrir sigur á Portúgal í gærkvöld.

Birt

18. mars 2026

Aðgengilegt til

Rennur ekki út

• 00:01:40 Seðlabankinn hækkar stýrivexti
• 00:04:58 Forseti ASÍ um hækkun vaxta
• 00:06:09 Samtök iðnaðarins um horfurnar
• 00:08:40 Brunavörnum ábótavant á Stuðlum
• 00:10:24 Starfsmaður á leikskóla handtekinn
• 00:12:02 Loftárásir í miðborg Beirút
• 00:13:59 Fimm í gæsluvarðhaldi
• 00:14:34 Varnarsamstarf við ESB staðfest í dag
• 00:15:04 Dýraverndarsamband Íslands um loðdýrarækt
• 00:17:02 Fara fram á þungan dóm yfir Høiby
• 00:17:44 Vélmenni gerði konu bilt við
• 00:18:22 Íþróttir
• 00:20:23 Gular viðvaranir
• 00:21:05 Seinni helst

Útvarpsfréttir.