Hádegisfréttir

Hádegisfréttir 12. október 2024

Formaður Framsóknarflokks gefur samstarfsflokkum sínum nokkurra daga frest til að ákveða hvort þeir treysti sér til þess að vinna samkvæmt stjórnarsáttmála. Mikilvægt sé að skapa vinnufrið í ríkisstjórninni.

Hafrannsóknarstofnun leggur til að engar loðnuveiðar verði leyfðar á yfirstandandi fiskveiðiári. Framkvæmdastjóri Síldarvinnslunnar telur að óheftur vöxtur hvalastofna við landið hafi haft áhrif á loðnustofninn.

Ísraelsher drap tuttugu og tvo í Jabalía-flóttamannabúðunum á norðurhluta Gaza í nótt, þar á meðal börn. Læknar án landamæra lýsa yfir áhyggjum af því að þúsundir íbúa séu þar innlyksa.

Leitað verður með dróna í dag að tveimur hvítabjörnum sem áttu að hafa sést við Laugarfell, norðaustur af Snæfelli í gær. Niðurstaða ætti að liggja fyrir í málinu síðar í dag.

Veðurfræðingum í Bandaríkjunum hefur verið hótað lífláti og ofbeldi í fellibyl samsæriskenninga sem hafa geisað á samfélagsmiðlum.

Bandarískir kvikmyndagerðarmenn fundu nýverið líkamsleifar bresks fjallgöngumanns sem hvarf sporlaust á Everest-fjalli fyrir 100 árum.

Frumflutt

12. okt. 2024

Aðgengilegt til

Rennur ekki út

Útvarpsfréttir.