Þórður Snær Júlíusson, frambjóðandi Samfylkingarinnar, hefur ákveðið að taka ekki sæti á Alþingi hljóti hann kjör í komandi kosningum. Þetta ákvað hann eftir að gömul skrif hans á bloggsíðu voru dregin fram í dagsljósið.
Ísraelsmenn hafa í morgun haldið áfram árásum í úthverfum í suðurhluta Beirút, fimmta daginn í röð. Fjöldi fólks hefur þurft að flýja heimili sín vegna þeirra.
Björgunarsveitir fóru í tvö útköll vegna óveðursins gær og í nótt. Víða er enn varasamt ferðaveður og illfært.
Úkraínuforseti segist viss um að innrásarstríði Rússa ljúki fyrr en ella hefði verið, þegar Donald Trump tekur aftur við stjórnartaumum í Bandaríkjunum. Hann hafi átt uppbyggilegt samtal við Trump eftir kosningarnar.
Fleiri en sjötíu konur hafa verið drepnar af kalrmönnum í Bretlandi það sem af er ári. Heimilisofbeldi gegn konum á Bretlandseyjum hefur verið lýst sem neyðarástandi.
Austfirðingar þurfa ekki lengur að setjast upp í flugvél á kostnað ríkisins til að komast til augnlæknis. Samningar hafa náðst við augnlækna í Svíþjóð um að nýta fjarlækningabúnað til að rýna í augnbotna og sjónhimnur eystra.
Í dag er dagur íslenskrar tungu. Sýning á handritunum opnar í Eddu, húsi íslenskunnar, að því tilefni.
Og Oslóartréð veður fellt í Norðmannalundi í Heiðmörk í dag eftir kúnstarinnar reglum.
