Hádegisfréttir

Hádegisfréttir 11. september 2024

Dósent í fjármálum við Háskóla Íslands furðar sig á því að fólk fái ekki lengur að ráðstafa séreignarsparnaði sínum á sama tíma og vandi heimilanna aukist. Arion banki hækkaði vexti í dag um allt að fimmtán prósent.

Forsetaefnin Kamala Harris og Donald Trump mættust í kappræðum í nótt. Flestir stjórnmálaskýrendur vestanhafs telja að Harris hafi staðið sig vel og náð að slá Trump út af laginu.

Útlit er fyrir að þrjátíu þúsund tonn af makrílkvóta náist ekki á land á vertíðinni. Þetta er sérstaklega slæmt þar sem loðnuvertíðin brást. Samtök fyrirtækja sjávarútvegi segja að þetta sjáist nú þegar í uppgjörum fyrirtækjanna.

Óleiðréttur munur á launum kynjanna mældist rúm níu prósent í fyrra, sem er hækkun frá fyrra ári. Meðal áhrifaþátta eru aldur og starfsgrein. Mestur mælist munurinn í flokki fjármála og vátryggingarstarfsemi.

Hornfirðinga vantar nýjan tannlækni í plássið. Sá starfandi hyggst hætta og nú stefnir í að að það verði tannlæknalaust á á milli Egilsstaða og Selfoss.

Framtíðarhúsnæði Listaháskóla Íslands verður á Skólavörðuholti, en ekki í Tollhúsinu. Rektor Lisháskólans segir að þannig sparist milljarðar króna.

Frumflutt

11. sept. 2024

Aðgengilegt til

Rennur ekki út

• 00:01:17 Ekki lengur hægt að ráðstafa séreignarsparnaðnum
• 00:03:54 Kappræður í Bandaríkjunum
• 00:07:27 Stefnuræðan í kvöld
• 00:07:59 Afleiðingar af ónýtri makrílvertíð
• 00:10:05 Óleiðréttur launamunur kynjanna
• 00:12:10 Framlengja tímabundna vernd Úkraínubúa
• 00:12:51 Stefnir í tannlæknaleysi á stóru svæði
• 00:14:41 Nýtt húsnæði Listaháskólans
• 00:15:57 Bílar í vandræðum á Fjarðarheiði
• 00:16:25 Mótmælendur ruddust inn í þinghús Mexíkó
• 00:18:01 Týnda mörgæsin
• 00:18:43 Íþróttir
• 00:20:55 Veður
• 00:21:28 Seinni helst

Útvarpsfréttir.