Hádegisfréttir

Hádegisfréttir 6. desember 2024

Hækkun raforkuverðs, á sama tíma og verðbólga hjaðnar, sýnir að raforkuframleiðsla hefur ekki haldið í við vöxt og viðgang samfélagsins, að mati Samtaka Iðnaðarins. Raforkuverð hefur hækkað um þrettán prósent undanfarin ár, sem er mesta hækkun frá 2011.

Starfandi matvælaráðherra hefði átt að ræða hvalveiðileyfi á ríkisstjórnarfundi, áður en hann gaf út leyfið, segir stjórnsýslufræðingur. Framkvæmdastjóri samtaka fyrirtæka í sjávarútvegi segir ekkert óeðlilegt við tímasetningu leyfisveitingarinnar.

Nærri þrjú hundruð þúsund hafa lagt á flótta í Sýrlandi frá því að átök milli stjórnarhersins og uppreisnarsveita blossuðu upp. Uppreisnarmenn, sem vilja steypa Assad forseta af stóli, hafa náð miklum árangri í sókn sinni.

Félag í eigu Skeljar hefur undirritað samkomulag um kaup á öllu hlutafé í Hringrás ehf.

Leiðtogi sósíalista á franska þinginu hefur ljáð máls á samstarfi um nýja ríkisstjórn í Frakklandi, með því skilyrði að hann fái forsætisráðherrastólinn. Frakklandsforseti ætlar að útnefna nýjan forsætisráðherra á næstu dögum.

Bláa lónið var opnað aftur í morgun eftir að hafa verið lokað í um tvær vikur. Búist er við um 1500 gestum í dag.

Frumflutt

6. des. 2024

Aðgengilegt til

Rennur ekki út

• 00:01:33 Raforkuverð hækkar mikið
• 00:03:33 Ríkisstjórnarfundur
• 00:05:58 Kaplakriki lokaður vegna endurtalningar
• 00:06:29 Framkvæmd hvalveiðiákvörðunar ábótavant
• 00:09:02 Mörg hundruð þúsund á flótta í Sýrlandi
• 00:10:27 Staðan í franskri pólitík
• 00:12:09 Styrkás kaupir Hringrás
• 00:13:36 Byssumanns enn leitað í NY
• 00:16:31 Bláa lónið opnað aftur
• 00:18:00 Jón Nordal látinn
• 00:19:00 Íþróttir
• 00:20:23 Veður
• 00:20:45 Seinni helst

Útvarpsfréttir.