Verðbólga hjaðnar lítilega, en ekki nóg til að Seðlabankinn íhugi vaxtalækkun í ágúst, segir forstöðumaður hagfræðideildar Landsbankans. Jákvæð teikn séu þó á lofti.
Nýr tækniskóli fyrir hátt í 30 milljarða króna á að rísa fyrir árið 2029 í Hafnarfirði. Skólameistri segir að hundruðum umsókna í skólann hafi verið hafnað, eins og undanfarin ár.
Norsk stjórnvöld ætla að taka á móti allt að 20 sjúklingum frá Gaza sem fá meðhöndlun á norskum sjúkrahúsum. Frá 2022 hafa Norðmenn tekið á móti tvö þúsund og tvö hundruð sjúklingum frá Úkraínu.
Franska Þjóðfylkingin og bandamenn hennar fá þrjátíu og sex prósenta fylgi í könnun sem birt var í morgun, þremur dögum fyrir fyrri umferð þingkosninganna í Frakklandi. Fylgi Miðjubandalags Frakklandsforseta Macrons er næstum helmingi minna.
Kostnaður við gerð varnargarða við Grindavík er kominn í sjö milljarða króna.
Fleiri börn þurfa mannúðaraðstoð í Sýrlandi en nokkru sinni á þeim þrettán árum sem liðin eru frá því að borgarastríðið braust. Franskur dómstóll hefur staðfest handtökuskipun á Bashar al-Assad, forseta landsins, vegna ásakana um stríðsglæpi og glæpi gegn mannkyni.
Búist er við að tugir milljóna fylgist með kappræðum bandarísku forsetaframbjóðendanna Joes Biden og Donalds Trump á CNN í kvöld.
Heilbrigðisstofnanir verða af mikilvægum tekjum vegna þess að ferðamenn eru ekki rukkaðir fyrr útköll sjúkrabíla ef erindinu er sinnt í bílnum án flutnings.
Zaccharie Risacher var valinn fyrstur í nýliðavali NBA í nótt. Þrír Frakkar voru meðal fyrstu sex og annað árið í röð er franskur körfuboltamaður númer eitt.
