Stormur sem gengur yfir Bretlandseyjar er með þeim verri sem sögur fara af. Vindamet hefur verið sett á Írlandi. Yfir fjórum milljónum er ráðlagt að halda sig heima og 800 þúsund heimili eru rafmagnslaus.
Búist er við að Áslaug Arna Sigurbjörnsdóttir tilkynni framboð sitt til formanns Sjálfstæðisflokksins á allra næstu dögum. Guðrún Hafsteinsdóttir íhugar framboð eftir áskoranir úr Suðurkjördæmi.
Lögreglan á Vesturlandi rannsakar alvarlega tálbeituárás á Akranesi fyrir jól. Rannsókn er að ljúka.
Afnám skólaskyldu og niðurlagning forsetaembættisins er meðal fjögur þúsund tillagna sem bárust um hagræðingu í ríkisrekstri.
Kjarnastarfsemi mikilvægustu innviða landsins verður að hafa forgang að netsambandi ef sæstrengir rofna, að mati sérfræðings. Aðgengi að netafþreyingu yrði stöðvað á meðan.
Gervigreindartóli sem auðveldar fólki að kæra og eiga samskipti við úrskurðarnefnd velferðarmála er ætlað að jafna stöðu almennings gagnvart opinberum stofnunum.
Hálka er í flestum landshlutum og flughált á Norðausturlandi. Mokstursmenn Vegagerðarinnar hafa rutt snjó frá því í bítið.
Bóndadagurinn er í dag. Í safnaðarheimili Glerárkirkju gæða gestir sér á viðeigandi þorrakræsingum. Og styðja um leið við endurbætur á Lögmannshlíðarkirkju.
Ísland mætir Króatíu í milliriðli heimsmeistaramótsins í handbolta í Zagreb í kvöld. Íslenskur sigur tryggir sæti í 8-liða úrslitum mótsins. Bjarki Már Elísson er meiddur og verður ekki meira með og Stiven Tobar Valencia er kominn til móts við íslenska liðið í hans stað.
