Lykilstarfsmenn og stjórnendur Eimskips og Samskipa voru í nánum samskiptum á upphafsdögum samráðs þeirra, samkvæmt gögnum Samkeppniseftirlitsins. Meðal annars var rætt um að kanna fýsileika og undirbúa aukið samráð. Samskipum hefur verið gert að greiða á fimmta milljarð króna vegna brota á samkeppnislögum.
Lögmaður True North óttast að kvikmyndaiðnaðurinn verði fyrir miklu tjóni ef hvalveiðar hefjast á ný. Lögbannskrafa bíður enn afgreiðslu hjá sýslumanninum á Akranesi.
Héraðskosningar eru hafnar á hernumdum svæðum í Úkraínu, á sama tíma og í nokkrum héruðum Rússlands. Forseti Úkraínu segir að tekist hafi að framleiða vopn sem hægt sé að senda á skotmörk í sjö hundruð kílómetra fjarlægð.
Veðurstofan varar við aukinni skriðuhættu á vestan- og sunnanverðu landinu um helgina, spáð er rigningu og hvassviðri.Ákveðið hefur verið að færa tónleika á Ljósanótt í kvöld inn í íþróttahús.
Ungum manni var bjargað úr sjálfheldu í 500 metra hæð í þverhníptu klettabelti inn af Fáskrúðsfirði í nótt. Fjallabjörgunarfólk á Austurlandi vann afrek við að búa manninn undir flutning með þyrlu.
Forstjóri Play segir það mikið högg að missa fjórtán flugmenn á einu bretti. Uppsagnirnar hafi ekki áhrif á rekstur eða flugáætlanir fyrirtækisins.
Kennsla í mörgum breskum grunnskólum er í uppnámi. Stjórnvöld tilkynntu að loka þyrfti á annað hundrað skólum vegna steypuskemmda.
Enginn samdráttur varð í losun gróðurhúsalofttegunda hér á landi í fyrra, samkvæmt bráðabrigðaniðurstöðum Umhverfisstofnunnar. Vonbrigði, segir fulltrúi Loftslagsráðs.
