Hádegisfréttir

Hádegisfréttir 11. janúar 2026

Mótmæli halda áfram í Íran þrátt fyrir mikla hörku öryggissveita klerkastjórnarinnar. Forseti landsins segir stjórnvöld staðráðin í að leysa efnahagsleg vandamál og reiðubúin til þess að hlusta á fólkið í landinu.

Grænlenskir hagsmunir verða að ráða ferðinni á fundi utanríkisráðherra Grænlands, Bandaríkjanna og Danmerkur í vikunni. Þetta segir utanríkisráðherra Grænlands. Þingflokksformaður Miðflokksins segir að taka verði yfirlýsingar Trumps bandaríkjaforseta um að taka Grænland alvarlega en ekki bókstaflega.

Gengi í námafyrirtækinu Amaroq á Grænlandi, sem er að stórum hluta í íslenskri eigu, hefur snarhækkað síðustu daga. Forstjóri Amaroq sagði fyrir helgi að Bandaríkjastjórn væri að velta fyrir sér að fjárfesta í fyrirtækinu.

Varað er við hvassri norðanátt og ofankomu á Suður- og Austurlandi frá því síðdegis og fram eftir degi á morgun. Óvissustig verður á veginum milli Kirkjubæjarklausturs og Jökulsárlóns þar sem gæti þurft að loka með stuttum fyrirvara.

Neyðarástandi hefur verið lýst yfir í Ástralíu vegna skæðra gróðurelda sem hafa gjöreyðilagt hundruð bygginga og skóglendi í suðausturhluta landsins.

Finnur Bjarnason hefur verið skipaður í embætti óperustjóra til fimm ára. Þetta er í fyrsta sinn sem skipað er í embættið.

Norðurljósin dönsuðu á himninum í gærkvöldi. Skipstjóri sem hefur farið með ferðamenn í norðurljósaferðir í rúman áratug segist aldrei hafa séð norðurljósin jafn litrík og falleg.

Frumflutt

11. jan. 2026

Aðgengilegt til

Rennur ekki út

• 00:00:00 Helst
• 00:01:40 Mótmæli í Íran
• 00:03:55 Er líklegt að Trump taki Grænland
• 00:06:23 Námafyrirtækið Amaroq hækkar
• 00:08:32 Gular viðvaranir og óvissustig
• 00:09:28 Eldsvoðar í Reykjavík
• 00:10:53 Ríkisráðsfundur í dag
• 00:11:17 Bandaríkin gera loftárásir í Sýrlandi
• 00:12:38 Neyðarástand í Ástralíu vegna gróðurelda
• 00:14:04 Finnur fyrsti óperustjórinn
• 00:14:37 Aldrei séð jafn falleg norðurljós
• 00:16:14 Íþróttir

Útvarpsfréttir.