Hádegisfréttir

Hádegisfréttir 4. nóvember 2024

Lögreglan á Suðurlandi rannsakar tildrög banaslyss við Tungufljót í gær. Maðurinn sem lést var á fertugsaldri.

Á morgun er kjördagur í forsetakosningunum í Bandaríkjunum. Aðeins munar einu prósentustigi á Donald Trump og Kamölu Harris á landsvísu.

Hóflegur hagvöxtur og hjöðnun verðbólgu eru meginþema í nýrri Þjóðhagsspá Hagstofunnar sem birt var í morgun.

Smáskjálftahrina reið yfir milli Stóra Skógfells og Sýlingarfells í nótt. Viðbragð Almannavarna var virkjað að hluta. Þetta er sami staður og hefur skolfið í aðdraganda allra kvikuhlaupa til þessa.

Forseti Moldóvu var endurkjörinn með naumum meirihluta í annarri umferð forsetakosninga þar í gær. Forsetinn, sem er Evrópusinnaður, vann keppinaut sem vildi meiri tengsl við Rússland.

Formaður Félags íslenskra heimilislækna hafnar því að pólitískar skoðanir lækna ráði því að þeir vilji ekki skrifa upp á flugfærnisvottorð fyrir hælisleitendur. Hún segir að siðferðislega sé mikill munur á læknisvottorðum.

Viðhald vega fær slæma einkunn frá ferðaþjónustunni á landsbyggðinni, í nýrri könnun. Fyrirtæki vilja að vetrarþjónusta verði aukin.

Kosning utan kjörfundar hefst á fimmtudaginn. Framkvæmdastjóri Landskjörstjórnar segir að kosningavélin sé enn heit síðan í vor.

Frumflutt

4. nóv. 2024

Aðgengilegt til

Rennur ekki út

• 00:01:36 Banaslys við Tungufljót
• 00:03:34 Kjördagur í Bandaríkjunum á morgun
• 00:05:11 Ný þjóðhagsspá
• 00:06:57 Forseti Moldóvu hafði betur
• 00:08:28 Formlega tilkynnt um slit Ísraels við UNWRA
• 00:09:06 Héldu að kvikuhlaup væri að hefjast
• 00:11:17 Læknar um ummæli dómsmálaráðherra
• 00:13:30 Læknar og ríki funda hjá sáttasemjara
• 00:14:03 Utankjörstaðakosning
• 00:16:02 Rauð veðurviðvörun í Barcelona
• 00:16:43 Viðhorf ferðaþjónustu til Vegagerðar
• 00:18:29 Quincy Jones látinn
• 00:19:11 Íþróttir
• 00:21:09 Veður
• 00:21:30 Seinni helst

Útvarpsfréttir.