Hádegisfréttir

Hádegisfréttir 5. júlí 2024

Keir Starmer er tekinn við stjórnartaumum í Bretlandi. Rishi Sunak sagði af sér í morgun og ætlar að hætta sem leiðtogi Íhaldsflokksins eftir afhroð í þingkosningunum í gær.

Fyrrverandi starfsmenn Skagans 3X hafa þrátt fyrir gjaldþrot þurft að hlaupa til og bjarga málum hjá útgerðum sem nota mikinn og flókinn búnað frá fyrirtækinu. Óvissa er um varahluti.

Þingmenn Norðvesturkjördæmis hafa fulla trú á að hægt sé að efla atvinnulíf á Akranesi á ný. Gjaldþrotið sé mikið reiðarslag og nú þurfi samstillt átak um atvinnuuppbyggingu.

Ökumenn, sem njóta bifreiðahlunninda og aka á vistvænum bílum, þurfa að greiða lægri hlunnindaskatt samkvæmt reglum sem taka gildi síðar í mánuðinum.

Danska lögreglan hefur ákært Nordea, einn stærsta banka Norðurlandanna, í umfangsmiklu peningaþvættismáli. Talið er að tugir milljarða danskra króna hafi verið þvættaðir í gegnum bankann.

Svikarar þykjast bjóða upp á streymi frá Landsmóti hestamanna á samfélagsmiðlum. Forsvarsmenn mótsins biðja landsmenn að vara sig á þeim.

Kúluvarparinn Erna Sóley Gunnarsdóttir hlaut í dag keppnisrétt á Ólympíuleikunum í París. Hún er fimmti Íslendingurinn til að fá staðfestan þátttökurétt á leikunum.

Frumflutt

5. júlí 2024

Aðgengilegt til

Rennur ekki út

• 00:01:23 Sunak boðar afsögn í kjölfar afhroðs
• 00:05:50 Búnaður Skagans 3x þarf að virka
• 00:08:12 Þingmenn NV kjördæmis um Skagann 3X
• 00:10:19 Modi fer á fund Pútíns
• 00:11:21 Benda hvor á annan vegna Hugins
• 00:12:20 Jákvæðir gagnvart tillögum Hamas
• 00:13:32 Bifreiðahlunnindi rafbílar breyttar reglur
• 00:14:54 Nordea bankinn ákærður
• 00:16:29 Breytt útlendingareglugerð
• 00:16:58 Landsmót hestamanna
• 00:17:57 Íþróttir
• 00:19:55 Veður
• 00:20:18 Seinni helst

Útvarpsfréttir.