Hádegisfréttir

Hádegisfréttir 5. janúar 2025

Inflúensutilfellum hefur fjölgað mjög hratt hér á landi síðustu daga og faraldur geisar í Evrópu. Fagstjóri hjúkrunar hjá Heilsugæslu höfuðborgarsvæðisins segir að óvenju löng bið sé eftir símaaðstoð vegna álags.

Úkraínuforseti segir mikið mannfall hafa verið hjá Rússlandsher í Kursk-héraði síðustu daga. Herir ríkjanna gerðu drónaárásir í nótt.

Matvælastofnun vill herða reglur til að fyrirbyggja stórfelldan seiðadauða eins og þann sem varð í laxeldi Kaldvíkur í Fáskrúðsfirði fyrir áramót. Það ætti að vera bannað að setja út seiði í sjókvíar þegar hitastig sjávar fer undir fimm gráður.

Stjórnarkreppa er í Austurríki eftir að slitnaði upp úr stjórnarmyndunarviðræðum í gær og kanslarinn sagði af sér. Þar gæti þurft að boða aftur til kosninga, en kosið var fyrir rúmum þremur mánuðum.

Tæplega tvö þúsund umsagnir hafa borist í samráðsgátt stjórnvalda eftir að forsætisráðherra óskaði eftir hagræðingartillögum frá almenningi. Starfshópur vinnur úr þeim og á að skila niðurstöðu fyrir vorið.

Minkarækt er hafin á ný í Danmörku en öllum minkum í landinu, hátt í sautján milljónum, var lógað í covid-faraldrinum.

Stærðarinnar glitský blasti við íbúum höfuðborgarsvæðisins í morgun. Slík ský eru mjög litrík og myndast hátt á himni í köldu veðri.

Glódís Perla Viggósdóttir var valin íþróttamaður ársins. Í fyrsta sinn í sögu verðlaunanna voru konur í þremur efstu sætunum í kjörinu.

Frumflutt

5. jan. 2025

Aðgengilegt til

Rennur ekki út

• 00:00:00 Helst
• 00:01:41 Mikið álag á heilsugæslunni
• 00:03:25 Inflúensufaraldur í Evrópu
• 00:03:50 Mannfall í Kursk
• 00:05:11 MAST vill fyrirbyggja seiðadauða
• 00:07:24 Aðstoðarmenn Ingu Sæland
• 00:07:24 Tæplega tvö þúsund umsagnir
• 00:07:24 Stjórnarkrísa í Austurríki
• 00:10:11 18 ára í fangelsi fyrir samræði í Dubai
• 00:11:20 Ísstífla í Hvítá
• 00:11:53 Fjögur ungmenni létust í Finnlandi
• 00:12:47 Danir byrja minkarækt á ný
• 00:13:34 BBC3 radio í Hörpu
• 00:15:04 Glitský á himni
• 00:16:05 Íþróttir

Útvarpsfréttir.