Hádegisfréttir

Hádegisfréttir 23. október 2024

Að minnsta kosti tíu börn hafa veikst í leikskóla í Reykjavík þar sem e-coli sýking hefur verið staðfest. Sóttvarnarlæknir segir hópsýkinguna alvarlega - þrjú börn hafa verið lögð inn á spítala.

Það stefnir í verkföll kennara á þriðjudag. Félagsdómur dæmdi í morgun verkfallsboðanir þeirra löglegar. Formaður Kennarasambandsins segir að deilendum beri mikið í milli.

Rússlandsforseti segir að til greina komi að leiðtogar BRICS ríkjanna, þar á meðal Kína og Indlands, hlutist til um friðarviðræður Rússa og Úkraínumanna. Framkvæmdastjóri Sameinuðu þjóðanna tekur þátt í leiðtogafundi BRICS-ríkja sem hófst í Rússlandi í dag.

Utanríkisráðherrar Norðurlandanna hafa þungar áhyggjur af því ef stjórnvöld í Ísrael banna starfsemi UNRWA, Palestínuflóttaaðstoðar Sameinuðu þjóðanna á Vesturbakkanum og Gaza. Slíkt myndi bitna á hundruðum þúsunda almennra borgara og mögulega vera brot á alþjóðalögum.

Stuðlar voru opnaðir á ný í hádeginu, þeim var lokað eftir brunann á laugardaginn. Börn og ungmenni sem þar voru vistuð eru komin þangað aftur.

Frumflutt

23. okt. 2024

Aðgengilegt til

Rennur ekki út

• 00:01:18 Alvarleg hópsýking á leikskóla
• 00:02:57 Félagsdómur úrskurðar kennurum í vil
• 00:05:04 Guterres mætir á BRICS leiðtogafundinn
• 00:07:33 Norrænir ráðherrar áhyggjufullir vegna UNRWA
• 00:09:01 Stuðlar opna
• 00:11:30 Kosningar á spretthlaupi
• 00:13:41 Skerðingar á raforku
• 00:14:11 Sátt í kynferðisbrotamáli gegn Polanski
• 00:15:36 Brunavarnir í timburhúsum
• 00:17:12 Giuliani þarf að afhenda íbúð og bíl
• 00:18:23 Íþróttir
• 00:19:58 Veður
• 00:20:32 Seinni helst

Útvarpsfréttir.