Hádegisfréttir

Hádegisfréttir 05. nóvember 2023

Snörp skjálftavirkni hófst um fimmleytið í morgun við Eldvörp á Reykjanesskaga og mældist stærsti skjálftinn 4,2. Jarðeðlisfræðingur á Veðurstofunni segir engin merki um að kvika sé á leiðinni upp. Áfram megi búast við snörpum skjálftum.

Forseti Palestínumanna krefst þess að Ísraelar hætti strax árásum á Gaza sem hafa staðið í þrjátíu daga. Talið er að minnst fjörtíu hafi látið lífið þegar sprengja hafnaði nærri flóttamannabúðum í Gazaborg í morgun.

Flugvöllurinn í Hamborg í Þýskalandi hefur verið lokaður síðan í gærkvöld eftir að vopnaður maður ók bíl inn á flugvallarsvæðið. Talið er að hann sé með fjögurra ára gamla dóttur sína í bílnum.

Tónlistarhátíðinni Iceland Airwaves lauk í gærkvöldi. Framkvæmdastjóri hátíðarinnar segir hana hafa heppnast mjög vel, á milli sex og átta þúsund gestir sóttu hátíðina og erlendir fjölmiðlar hafi fjölmennt. Undirbúningur fyrir næstu hátíð sé þegar hafinn.

Staðfest er að 157 létust í jarðskjálftanum í Nepal á laugardag. Hópur Íslendinga í reiðhjólaferð fann vel fyrir jarðskjálftanum.

Vegagerðinni hafa borist um tuttugu tjónatilkynningar vegna brotinna bílrúða á nýjum vegkafla á Þverárfjallsvegi. Vegurinn var opnaður í September.

Ný aðferð gæti auðveldað heitavatnsleit og aukið líkur á að borun hitti á vatnsæðar djúpt í jörðu. Jarðeðlisfræðingur segir að enn eigi eftir að leita til þrautar að heitu vatni fyrir nokkra þéttbýlisstaði á landinu.

Frumflutt

5. nóv. 2023

Aðgengilegt til

Rennur ekki út

Útvarpsfréttir.