Hádegisfréttir

Hádegisfréttir 13. desember 2024

Það er nánast öruggt að flokkarnir sem eru í stjórnarmyndunarviðræðum nái saman, að mati stjórnmálafræðiprófessors. Samfylking eða Viðreisn fái forsætisráðuneytið í skiptum fyrir fjármála- og utanríkisráðuneyti. Formennirnir hittast eftir hádegi. Nýir þingmenn, sem brátt taka sæti á Alþingi, sátu námskeið um þingstörfin í morgun.

Rússar deila áhyggjum verðandi Bandaríkjaforseta af notkun Úkraínu á langdrægum bandarískum flugskeytum. Þeir segja engar forsendur til að hefja friðarviðræður á næstunni.

Læknar hafa samþykkt nýjan kjarasamning með yfirgnæfandi meirihluta. Ríflega áttatíu og sex prósent greiddu atkvæði með samningnum.

Litlu mátti muna að tvær flugvélar, önnur farþegavél, skyllu saman yfir Keflavíkurflugvelli í febrúar, vegna mistaka í flugumferðarstjórn.

Landvernd líst illa á að áhrif sveitarstjórna á orkuuppbyggingu verði takmörkuð. Framkvæmdastjóri samtakanna segir að forgangsraða þurfi orku frekar en að auka orkuvinnslu.

Andrés prins er enn á ný í kastljósi breskra fjölmiðla, nú vegna kínversks athafnamanns sem hann á í trúnaðarsambandi við. Sá er grunaður um njósnir.

Nöfnurnar Halla Tómasdóttir og Halla Hrund Logadóttir voru þær sem flestir Íslendingar flettu upp í leitarvél Google á árinu.

Úkraína, Aserbaídsjan og sigurvegarinn úr viðureign Frakka og Króata verða mótherjar Íslands í undankeppni HM karla í fótbolta. Dregið var í riðla í morgun.

Frumflutt

13. des. 2024

Aðgengilegt til

Rennur ekki út

• 00:01:44 Stjórnarmyndunarviðræður
• 00:05:15 Kynning fyrir nýja þingmenn
• 00:06:48 Rússar sammála Trump
• 00:08:24 Læknar samþykkja kjarasamning
• 00:09:03 Nýr forsætisráðherra Frakklands
• 00:09:31 Alvarlegt flugumferðaratvik í febrúar
• 00:11:14 Landvernd um skýrslu um rammaáætlun
• 00:13:20 Bakmeiðsl kveikjan að morði
• 00:14:49 Rafmagnslaust í Grindavík
• 00:15:25 Nýtt hneyksli Andrésar
• 00:17:07 Vinsælustu leitarorðin á Google
• 00:18:24 Íþróttir
• 00:20:04 Veður
• 00:20:39 Seinni helst

Útvarpsfréttir.