Hádegisfréttir

Hádegisfréttir 1. febrúar 2024

Kona sem var handtekin í húsi í Kópavogi gær hefur verið úrskurðuð í gæsluvarðhald til 7. febrúar. Sex ára drengur fannst látinn í húsinu í gær.

Leiðtogar aðildarríkja Evrópusambandsins náðu í morgun samkomulagi um langtíma fjárhagstuðning við Úkraínu á aukafundi í Brussel. Forsætisráðherra Ungverjalands var eini leiðtoginn sem hafði verið á móti þessum áformum, en lét af andstöðu sinni í morgun.

Samninganefndir Samtaka atvinnulífsins og stórs hluta ASÍ-félaga sitja nú á fundi hjá ríkissáttasemjara, sem fyrirskipað hefur fjölmiðlabann. Kjarasamningar runnu út á miðnætti.

Búast má við asahláku á sunnan- og vestanverðu landinu í kvöld og nótt. Gular viðvaranir hafa verið gefnar út , og strax í fyrramálið brestur svo á með éljum og annarri viðvaranalotu.

Grindvíkingar hafa fengið að fara inn í bæinn í dag að vitja eigna sinna. Lokað var í gær vegna veðurs. Kvikusöfnun heldur áfram nærri Svartsengi. Von er á nýju hættumati Veðurstofunnar í dag.

Áform finnskra stjórnvalda um að breyta vinnumarkaðslöggjöf hafa vakið mikla reiði innan verkalýðshreyfingarinnar þar. Um þrjú hundruð þúsund manna allsherjarverkfall í dag og á morgun lamar finnskt samfélag.

Eigendur rafmagns- og vetnisbíla hafa fengið fyrsta reikninginn vegna nýs kílómetragjalds. Upphæðin kom mörgum á óvart, en hún byggist á mati og kann að endurspegla akstur fyrri eigenda.

Frumflutt

1. feb. 2024

Aðgengilegt til

Rennur ekki út

• 00:00:00
• 00:01:48 Barnslát í Kópavogi
• 00:02:55 Leiðtogafundur ESB
• 00:05:03 Kjaraviðræður SA og Breiðfylkingar
• 00:06:36 Jarðhræringar - hleðst upp í kvikuhólfið
• 00:07:45 Asahláka og gular viðvaranir
• 00:09:26 Vopnahléssamningar taka á sig mynd
• 00:10:14 Svarar ekki kostnaði
• 00:11:16 Hundruð þúsunda Finna í verkfall
• 00:13:03 Landsbankinn hagnast
• 00:13:54 Innviðaráðherra um Reykjavíkurflugvöll
• 00:15:42 Alec Baldwin neitar sök
• 00:17:07 Kílómetragjald
• 00:18:37 Íþróttir
• 00:20:27 Veður
• 00:21:01 Seinni helst

Útvarpsfréttir.