Frakkar ganga að kjörborðinu í dag í fyrri umferð kosninga sem gætu reynst þær afdrífaríkastu um langa hríð. Kjörsókn á hádegi var talsvert meiri en í kosningunum fyrir tveimur árum. Skoðanakannanir benda til þess að hægri flokkur Marine Le Pen vinni stórsigur í fyrri umferð.
Óþrjótandi aðgangur að læknum á milli fjögur og sex síðdegis er ekki í boði lengur segir forstjóri heilsugæslu höfuðborgarsvæðisins. Bráðum erindum til heilsugæslu er nú ekki sinnt á síðdegsvöktum - heldur í símaráðgjöf.
Rússar tilkynntu í morgun að þeir hefðu lagt undir sig tvö þorp til viðbótar í Donetsk-héraði í Úkraínu. Forseti Úkraínu kallar eftir fleiri langdrægum vopnum frá Vesturlöndum.
Jarðgöng undir Miklubraut í Reykjavík verða þau níundu lengstu á landinu verði tillaga verkfræðistofunnar EFLU að veruleika.
Lax hefur tekið fram úr loðnu þegar kemur að útflutningstekjum. Þorskur er eftir sem áður sú fisktegund sem skilar mestum tekjum.
Hálendisvakt Slysavarnafélagsins Landsbjargar heldur til fjalla í dag. Síðustu sumur hafa þúsundir útivistar- og ferðamanna notið liðsinns sjálfboðaliða vaktarinnar.
16-liða úrslit EM í fótbolta halda áfram í dag. Sviss og Þýskaland komust áfram í gærkvöldi en Danir telja sig grátt leikna af myndbandsdómgæslu eftir leik sinn við Þjóðverja.
