Hádegisfréttir

Hádegisfréttir 13.maí 2024

Lögregla vill ekki tjá sig um rannsókn á frelsissviptingu og líkamsárás í heimahúsi í Reykholti í Biskpustungum. Maðurinn sem ráðist var á er með maltneskt ríkisfang. Hann var þvingaður úr landi í apríl en er kominn aftur.

Um þúsund mótmælendur eru enn fyrir utan þinghús Georgíu til að mótmæla frumvarpi að nýjum fjölmiðlalögum. Búist er við að þingið afgreiði frumvarpið í dag.

Landris heldur áfram með sama hraða við Svartsengi og líkur eru á að eldgos eða kvikuhlaup verði á hverri stundu. Sólstormur truflaði mælingar á landrisi um helgina þannig að gögn bentu til þess að hægt hefði á landrisi.

Afgreiða á útlendingafrumvarp dómsmálaráðherra áður en Alþingi lýkur störfum í næsta mánuði. Yfir áttatíu stjórnarmál bíða afgreiðslu Alþingis.

Halla Tómasdóttir rúmlega tvöfaldar fylgi sitt í nýjustu könnun Prósents fyrir forsetakosningarnar, en þau sem mælst efst tapa öll fylgi. Kosningapróf RÚV er komið í loftið.

Framkvæmdastjóri Atlantshafsbandalagsins segir fá lönd skilja betur eðli bandalagsins en Ísland vegna legu landsins í Norður-Atlantshafi. Hann þakkar Íslendingum fyrir framlag þeirra til heimsfriðar í þau 75 ár sem bandalagið hefur starfað.

Starfsmenn á dekkjaverkstæðum hafa haft í nógu að snúast undanfarnar vikur. Lögreglan á höfuðborgarsvæðinu hefur gefið út að frá og með deginum í dag megi ökumenn á nagladekkjum búast við sektum.

Frumflutt

13. maí 2024

Aðgengilegt til

Rennur ekki út

• 00:01:45 Frelsissvipting í Bláskógabyggð
• 00:02:58 Mótmæli í Georgíu
• 00:04:44 Staðan á Reykjanesskaga
• 00:06:28 Mörg stjórnarfrumvörp bíða afgreiðslu
• 00:08:01 Könnun Prósents
• 00:09:06 Kosningapróf RÚV komið í loftið
• 00:09:42 Fjölskyldusameiningar
• 00:11:20 Segja heilbrigðiskerfið á Gaza að hrynja
• 00:12:09 Stoltenberg þakkar Íslendingum stuðninginn
• 00:13:20 Skautun í Eurovision
• 00:14:24 Aukin sókn Rússa í Kharkiv
• 00:15:22 Hönnun viðbyggingar SAK
• 00:16:25 Byrja að sekta fyrir nagladekk
• 00:18:07 Íþróttir
• 00:20:04 Veður
• 00:20:27 Seinni helst

Útvarpsfréttir.