Hádegisfréttir

Hádegisfréttir 27. desember 2024

Atlantshafsbandalagið ætlar að auka viðveru á Eystrasalti eftir að grunur vaknaði um skemmdarverk á sæstreng milli Finnlands og Eistlands. Eistar hafa þegar sent herskip til að hafa eftirlit með sæstrengjunum.

Sérstök áhersla hefur verið lögð á að stórefla öryggi neðansjávarinnviða Íslands. Netöryggissveit er ætlað að uppræta undirróður og netárásir, og koma í veg fyrir skemmdarverk, að sögn skrifstofustjóra varnarmálaskrifstofu.

Eigandi netverslunar með áfengi segir þær aðgerðir lögreglu að loka fyrir afgreiðslu víns í nokkrum netverslunum í gær brjóta gegn réttindum fyrirtækja. Þær byggist á rangri túlkun áfengislaga þar sem áfengi sé ekki selt beint yfir borðið í slíkum verslunum.

Eitt hundrað sjúklingar eru í einangrun á Landspítalanum, þar af 40 af völdum öndunarfærasýkinga. Grímuskylda var tekin upp á spítalanum á aðfangadag og mælst er til þess að ekki heimsæki fleiri en einn gestur hvern sjúkling í einu.

Nýr dómsmálaráðherra segist munu láta reyna á, hvort og hvað hægt sé að gera til að tryggja traust til réttarkerfisins vegna deilna innan ríkissaksóknaraembættisins.

Meirihluti suðurkóreska þingsins samþykkti í morgun að ákæra sitjandi forseta til embættismissis. Forsetinn tók við embættinu fyrir þremur vikum.

Fólk verður að fá tækifæri til að komast að því hvort því líður vel eða ekki í Grindavík, segir framkvæmdastjóri Vísis. Hann gagnrýnir að ekki sé meira gert til að fólk geti dvalið á sínum gömlu heimilum.

Frumflutt

27. des. 2024

Aðgengilegt til

Rennur ekki út

• 00:01:51 Auka viðveru vegna gruns um skemmda á sæstreng
• 00:04:38 Varnir gegn fjölþáttaógnum efldar
• 00:07:13 Aðgerðir lögreglu gegn vínbúðum annan í jólum
• 00:09:07 Inflúensa og önnur óáran
• 00:10:45 Dómsmálaráðherra um vararíkissaksóknara
• 00:12:39 Leit á reykjanesskaga
• 00:13:10 Sitjandi forseti Suður-Kóreu ákærður
• 00:15:23 Vill að Grindvíkingum verði treyst fyrir Grindavík
• 00:17:09 Háttsettur herforingi handtekinn
• 00:18:31 Snjóflóð og færð
• 00:18:54 Íþróttir
• 00:20:46 Veður
• 00:21:06 Seinni helst

Útvarpsfréttir.