Hádegisfréttir

Hádegisfréttir 12. apríl 2024

Áform um sölu á eftirstandandi hlutum ríkisins í Íslandsbanka ganga óbreytt eftir í meðförum nýs fjármálaráðherra sem mælir fyrir sölunni á Alþingi í næstu viku. Gert er ráð fyrir að fjármálaáætlun verði lögð fram seinna í sömu viku. Fyrsti fundur nýrrar ríkisstjórnar var í morgun.

Undirskriftalisti gegn Bjarna Benediktssyni sem forsætisráðherra, hefur lítið annað en táknræn áhrif að mati prófessors í stjórnmálafræði.

Ísraelsher særði sjötíu Palestínumenn, hið minnsta, í árásum á flóttamannabúðir á Gaza í morgun. Þá drap herinn tvo á Vesturbakkanum.

Fasteignafélagið Þórkatla keypti fyrstu eignirnar í Grindavík í morgun. Ólíklegt er að skólahald verði í bænum næsta skólaár.

Heilbrigðisráðherra Noregs sagði af sér í morgun vegna ritstuldar í meistararitgerð fyrir þremur árum. Þetta er annar norski ráðherrann sem hættir vegna ritstuldar á árinu.

Ráðgjafamiðstöðin Foreldrahús þarf að leggja niður starfsemi í sumar, nema aukið fjármagn komi til. Úrræðið tekur á hegðunar-, tilfinninga- og vímuefnavanda barna.

Heilbrigðiseftirlit Austurlands gefur Fjarðabyggð þrjár vikur til að skila úrbótaáætlun vegna myglu í Breiðabliki sem er húsnæði aldraðra í Neskaupstað. Bæði íbúar og starfsfólk hafa fundið fyrir óþægindum.

Stöð 2 hefur ákveðið að gera sjónvarpsfréttatíma sína aðgengilega á ný en þeir hafa verið í læstri dagskrá síðustu þrjú ár.

Frumflutt

12. apríl 2024

Aðgengilegt til

Rennur ekki út

• 00:01:39 Fyrsti ríkisstjórnarfundur undir forystu Bjarna
• 00:03:12 Undirskriftalistinn gegn Bjarna
• 00:05:15 Ísraelar sprengja flóttamannabúðir
• 00:05:56 Fyrstu kaup Þórkötlu á eignum í Grindavík
• 00:06:36 Bæjarstjóri um skólahald í Grindavík
• 00:08:13 Ráðherra hættir vegna ritstuldar
• 00:09:43 Foreldrahús fjársvelt og stefnir í lokun
• 00:11:30 Spá lækkun verðbólgu
• 00:12:01 Hóta þvingun vegna myglu hjá öldruðum
• 00:14:04 Landskjörstjórn tekur við forsetaframboðum
• 00:14:31 Fréttir Stöðvar 2 í ólæstri dagskrá
• 00:15:41 Gunnlaugur Rögnvaldsson látinn
• 00:16:22 MAST kærir ferðamenn fyrir ólöglegan innflutning
• 00:17:44 Stórfelldur stuldur á Lego
• 00:18:21 Íþróttir
• 00:20:23 Veður
• 00:20:49 Seinni helst

Útvarpsfréttir.