Hádegisfréttir

Hádegisfréttir 11. maí 2024

Lögmaður þriggja kvenna sem var synjað um vernd á Íslandi og vísað úr landi gagnrýnir að þær hafi verið úrskurðaðar í gæsluvarðhald fram að brottför. Það sé ómannúðlegt að þær fái ekki að ganga frá sínum málum.

Ísraelskir skriðdrekar umkringja austurhluta Rafah-borgar, sem ríflega 100 þúsund íbúum var gert að rýma fyrr í vikunni. Frekari rýming var fyrirskipuð í morgun og ljóst að vígbúnaður við borgarmörkin eykst.

Frammistaða forsetaframbjóðenda í sjónvarpskappræðunum fyrir viku hafði mismunandi áhrif á áhorfendur eftir því hvaða frambjóðanda þeir styðja. Langmest áhrif höfðu kappræðurnar á þau sem myndu kjósa Höllu Tómasdóttur en langminnst á þau sem nú segjast myndu kjósa Höllu Hrund Logadóttur. Metáhorf var á kappræðurnar.

Mögulegt markmið Rússa með árásum á Kharkiv-hérað í norðurhluta Úkraínu, er að lengja í víglínunni í norðvesturátt. Það myndi dreifa herafla Úkraínu yfir stærra svæði – herafla sem þegar glímir við mönnunarvanda.

Framlag Hollands hefur verið dæmt úr keppni í Eurovison. Flytjandi lagsins sætir lögreglurannsókn eftir að hafa veist að starfsmanni keppninnar.

Matvælaráðherra segir að lagaramminn um lagareldi sé algjörlega óásættanlegur og nýtt frumvarp nái betur utan um greinina. Atvinnuveganefnd hafi fengið breytingatillögur frá ráðuneytinu um gildistíma rekstrarleyfa.

Það þarf stórslys svo að íslenska karlalandsliðið í handbolta tryggi sér ekki sæti á HM á næsta ári. Liðið mætur Eistlandi í dag ytra.

Frumflutt

11. maí 2024

Aðgengilegt til

Rennur ekki út

Útvarpsfréttir.