Utanríkisráðherra Breta segir þarlend stjórnvöld reiðubúin að viðurkenna sjálfstæði Palestínu. Bretar hafa löngum talað fyrir tveggja ríkja lausn Palestínu og Ísraels. Sex vikna vopnahlé á Gaza er til skoðunar, sem fæli í sér frelsun gísla.
Veðurstofan telur líklegt að kominn sé tími á snarpan Brennisteinsfjallaskjálfta. Engar mælingar benda til að kvika sé að safnast þar saman.
HS Veitur vilja að Vestmannaeyjabær leysi til sín vatnsveituna í Eyjum vegna meintra vanefnda og brostinna forsendna í rekstri vatnsveitunnar. Bæjaryfirvöld segja fyrirtækið reyna að koma sér undan lögboðnum skildum.
Utanríkisráðherra var ósáttur við spurningar þingmanna þegar hann mætti á fund stjórnskipunar og eftirlitsnefndar Alþingis í morgun. Þingmaður Pírata segir að ráðherra hafi leikið skollaleik
Eins prósents lækkun vaxta á 35 milljóna króna óverðtryggðu láni, gætu verið ígildi 40 til 50 þúsund króna launahækkunar, segir aðalhagfræðingur Íslandsbanka. Peningastefnunefnd Seðlabankans kemur saman til fundar í næstu viku.
Búist er við átakafundi í Brussel á morgun, þegar leiðtogar aðildarríkja Evrópusambandsins koma þar saman. Stóra málið er fjárhagsstuðningur við Úkraínu, sem Ungverjar hafa staðið í vegi fyrir – en líklegt er að fjölmenn mótmæli bænda víða um Evrópu setji einnig sitt mark á dagskrána.
Stanley Cup, drykkjarmálin sem gert hafa neytendur trítilóða í Bandaríkjunum að undanförnu, virðast ekki öll þar sem þau eru séð. Grunur hefur vaknað meðal netverja, um að málin séu menguð af blýi.
