Hádegisfréttir

Hádegisfréttir 5. janúar 2025

Varaforseti Venesúela er tekinn við sem forseti landsins. Bandaríkjaforseti segir það verða varaforsetanum dýrkeypt verði hún ekki samvinnufús. Forveri hennar, Nicolás Maduro, kemur fyrir dómara í New York síðdegis og öryggisráð Sameinuðu þjóðanna ætlar að funda um atburðina í Venesúela.

Láti Bandaríkjamenn til skarar skríða á Grænlandi setur það Ísland í erfiða stöðu. Vendingar síðustu daga voru ræddar á fundi utanríkismálanefndar í morgun.

Nýr vegur yfir Hornafjarðarfljót verður ekki opnaður fyrr en í vor en hann átti að opna fyrir áramót. Vonir höfðu staðið til þess að hægt yrði að hleypa á hann umferð fyrir áramót.

Margrét Halla Hansdóttir Löf hefur áfrýjað til Landsréttar sextán ára fangelsisdómi sem hún fékk fyrir að bana föður sínum og ráðast á móður sína.

Íslenskur nemandi býst ekki við því að fá nám í gjaldþrota flugskóla í Noregi endurgreitt. Skólinn hefur verið í samstarfi við Icelandair.

Þýsk kona sem smyglaði fimmtán kílóum af ketamíni og fimm kílóum af MDMA-kristöllum til landsins með Norrænu í september hefur verið ákærð fyrir stórfellt fíkniefnasmygl. Lögreglan hefur aldrei lagt hald á svo mikið af ketamíni í einu.

Ruben Amorim var í morgun sagt upp sem þjálfari enska úrvalsdeildarliðsins Manchester United. Skotinn Darren Fletcher tekur við liðinu til bráðabirgða.

Frumflutt

5. jan. 2026

Aðgengilegt til

Rennur ekki út

• 00:01:31 Ásælni Bandaríkja í Grænland og Venesúela
• 00:04:46 Ísland gæti lent í alvarlegri stöðu
• 00:07:07 Öryggisráð SÞ fundar um Venesúela
• 00:09:11 Leiðtogar ESB fámálir um Grænland
• 00:11:40 Ró meðal íbúa í Venesúela
• 00:13:21 Fresta opnun vegar yfir Hornafjarðarfljót
• 00:14:34 Margrét Löf áfrýjar
• 00:14:59 Íslendingur tapar fé á gjaldþroti norsks flugskóla
• 00:16:44 Ákærð fyrir smygl á 15 kílóum af Ketamíni
• 00:17:09 Árni Friðriksson á leið til loðnuleitar
• 00:18:45 Íþróttir

Útvarpsfréttir.