Hádegisfréttir

Hádegisfréttir 26. maí 2024

Ummerki eru um að vegur hafi gefið sig þegar rúta valt á Rangárvallavegi á Suðurlandi í gær. Sjö voru fluttir með þyrlu á Landspítalann og er ástand þeirra stöðugt.

Talið er að sex hundruð og sjö tíu manns hafi farist í mikilli aurskriðu sem féll á þorp í Papúa Nýju-Gíneu um helgina. Björgunarstarf gengur erfiðlega og skriðuhætta enn mikil.

Aukin rafleiðni hefur mælst í Jökulsá á Sólheimasandi síðustu sólahringa og hefur sterk brennisteinslykt fundist á svæðinu.

Lögreglan hefur enn til rannsóknar fjögur mál þar sem fullorðinn karlmaður veittist að börnum í Hafnarfirði. Foreldrar í bænum ætla áfram að vakta gönguleiðir næstu daga og fylgja börnum í skólann.

Úkraínuforseti biður Bandaríkjaforseta og forseta Kína um að mæta á leiðtogafund í Sviss í sumar. Þar er ætlunin að ræða leiðir til friðar í Úkraínu.

Þingmaður Viðreisnar segir brýnt að eyða lagalegri óvissu um netverslanir með áfengi. Málið verður tekið fyrir í stjórnskipunar- og eftirlitsnefnd Alþingis.

Nauðsynlegt er að rannsaka drómasýki í hrossum og rækta hana úr íslenska stofninum segir dýralæknir sem tekur þátt í því að þróa leið til þess að greina sýkina í folöldum. Taugasjúkdómurinn veldur svefnköstum og í flestum tilfellum eru folöldin felld.

Það ræðst innan skamms hvort Freyr Alexandersson haldi liði Kortrijk Kortrejk uppi í efstu deild fótboltans í Belgíu - nokkuð sem þótti kraftaverk þegar hann tók við þjálfun liðsins í vetur.

Frumflutt

26. maí 2024

Aðgengilegt til

Rennur ekki út

• 00:00:00 Helst
• 00:01:45 Lögregla um rútuslys á Suðurlandi
• 00:03:04 Hamas skýtur flaugum
• 00:03:34 700 fórust í aurskriðu í Papúa Nýju Gíneu
• 00:04:42 Reykjanes og rafleiðni á Sólheimasandi
• 00:06:06 Zelensky biðlar til Bidens og Xi
• 00:08:01 Hafnafjarðarmaðurinn ófundinn
• 00:09:16 Netverslun með áfengi
• 00:11:24 Forsetakosningar og ættfræði
• 00:12:56 Nicki Minaj handtekin í Hollandi
• 00:13:27 Drómasýki í hrossum
• 00:15:25 Íþróttir

Útvarpsfréttir.