Hádegisfréttir

Hádegisfréttir 23. janúar 2025

Formaður samninganefndar sveitarfélaga segir lagasetningu til skoðunar komi til verkfalla kennara um mánaðamótin. Óvíst er um framhald funda og deilan er í hnút.

Forstjóri Vinnumálastofnunar segir að það hafi komið sér í opna skjöldu að leyfi til að vista hælisleitendur í JL-húsinu hafi verið fellt úr gildi. Afleiðingarnar eigi eftir að koma í ljós.

Leiðtogar í stjórnmála- og viðskiptalífi á efnahagsráðstefnunni í Davos í Sviss bíða í ofvæni eftir ræðu Donalds Trump Bandaríkjaforseta, sem hann heldur síðar í dag.

Rúmlega 3500 tillögur hafa borist í samráðsgátt stjórnvalda um hagræðingu í ríkisrekstri. Frestur til að skila inn tillögum rennur út í dag.

Svæði á við hálfan Garðabæ brann á nokkrum klukkustundum í Kaliforníu í gærkvöld og nótt. Tugir þúsunda hafa þurft að yfirgefa heimili sín.

Það kemur í ljós í dag hvort íslenska kvikmyndin Snerting, fær tilnefningu til Óskarsverðlauna. Hún hefur hlotið mikið lof gagnrýnenda en eldarnir vestanhafs höfðu áhrif á kynningarstarf.

Í Dalabyggð eru 118 íbúðir þar sem enginn á lögheimili. Flestar eru orlofshús og sveitarstjóri í Dalabyggð segir skort á íbúðarhúsnæði í sveitarfélaginu.

Eftir frækinn sigur á Egyptum í gær er íslenska landsliðið með pálmann í höndunum á HM í handbolta. Sigrum fjölgar sem og trylltum Íslendingum á pöllunum í Zagreb.

Frumflutt

23. jan. 2025

Aðgengilegt til

Rennur ekki út

• 00:01:42 Kjaraviðræður kennara
• 00:04:04 JL-húsið
• 00:06:33 Þórdís Kolbrún
• 00:07:08 Davos bíður eftir ræðu Trumps
• 00:09:24 Síðasti dagur til að leggja til sparnaðarráð
• 00:11:03 Nýir eldar í LA
• 00:12:53 Fær Snerting Óskarstilnefningu?
• 00:14:19 Mast um fuglaflensuna
• 00:15:08 Búið í öllum húsum í Búðardal
• 00:16:59 Íslendingar að tryllast yfir HM
• 00:18:45 Íþróttir
• 00:20:20 Veður
• 00:20:50 Seinna helst

Útvarpsfréttir.