Hádegisfréttir

Hádegisfréttir 11. janúar 2025

Ríkisstjóri Kaliforníu hefur fyrirskipað óháða rannsókn á hvers vegna mikilvægir brunahanar tæmdust í slökkvistarfi í gróðureldunum sem nú geisa. Getty-miðstöðin, sem geymir yfir 100 þúsund málverk, var rýmd í gærkvöld.

Hætta er á að fatlað fólk leiti síður réttar síns fyrir dómstólum eftir að tímabundin breyting var gerð á fyrirkomulagi réttindagæslu þeirra. Þetta segir yfirlögfræðingur réttindagæslu.

Fuglainflúensa hefur greinst í öðrum ketti hér á landi. Litlar líkur eru á að veiran smitist í fólk.

Samninganefndir kennara, ríkis og sveitarfélaga ræða áfram saman í dag og reyna hver í sínu lagi að finna viðræðunum farveg. Þær sigldu í strand í gær.

Þúsundir söfnuðust saman í mótmælum í Seoul í Suður-Kóreu, ýmist með eða á móti nýlega brottreknum forseta. Hann beitti öryggisvörðum til að forðast handtöku í síðustu viku.

Gular viðvaranir vegna veðurs taka gildi á stórum hluta landsins í nótt. Ísstíflur eru í ám víða um land og geta þær flætt yfir bakka sína vegna hláku og rigningar.

Ísland og Svíþjóð mætast öðru sinni í vináttulandsleik í handbolta karla í dag. Leikurinn er lokaleikur íslenska liðsins áður en haldið verður á heimsmeistaramótið sem hefst í næstu viku.

Frumflutt

11. jan. 2025

Aðgengilegt til

Rennur ekki út

• 00:00:00 Helst
• 00:01:34 Rannsókn fyrir skipuð á orsökum brunans
• 00:03:38 Áhrif breytinga á réttindagæslu
• 00:05:33 Er Trump væntanlegur til Grænlands?
• 00:06:55 Virkt samtal þrátt fyrir viðræðuhlé
• 00:07:53 Fuglaflensa í ketti
• 00:08:29 Þorgerður Katrín um fund í Ramstein
• 00:09:42 Þórdís Kolbrún vill ekki fresta
• 00:10:25 Vill að pabbi sinn deyi í fangelsi
• 00:12:06 Þúsundir mótmæla í Suður-Kóreu
• 00:13:52 Gular viðvaranir á morgun
• 00:14:27 Tími jólatrjánna liðinn
• 00:16:32 Íþróttir

Útvarpsfréttir.