Hádegisfréttir

Hádegisfréttir 15. desember 2024

Leigufélagið Búseti ætlar ekki að sætta sig við ellefu þúsund fermetra vöruhús steinsnar frá fjölbýlishúsi sínu í Breiðholti. Félagið gerir kröfur um breytingar.

Tilkynningum til barnaverndar um áhættuhegðun fjölgaði um nærri 18% á fyrstu mánuðum ársins borið frá fyrra ári. Forstjóri Barna- og fjölskyldustofu kallar eftir samstilltu átaki vegna aukins vanda barna.

Ísraelsmenn hafa gert tugi loftárása á Sýrland í nótt, að þeirra sögn til að hindra hryðjuverkastarfsemi í landinu. Um 7.600 flóttamenn hafa snúið aftur til landsins frá Tyrklandi eftir valdaskiptin fyrir viku.

Vinna við ritun nýs stjórnarsáttmála Samfylkingar, Viðreisnar og Flokks fólksins hefst á næstu dögum. Formenn flokkanna vona að hægt verði að kynna nýja ríkisstjórn fyrir áramót.

Tveir voru handteknir eftir líkamsárás á bar í Breiðholti í gærkvöldi. Svo virðist sem barefli hafi verið beitt við árásina.

Ráðherrar tíu ríkja, þar á meðal Íslands, koma saman í Tallin, höfuðborg Eistlands, á morgun til að ræða öryggis- og varnarmál á norðurslóðum. Þórdís Kolbrún Reykfjörð Gylfadóttir starfandi utanríkisráðherra sækir fundinn í stað forsætisráðherra.

Frumflutt

15. des. 2024

Aðgengilegt til

Rennur ekki út

• 00:01:13 Búseti fer fram á að vöruhúsinu verði breytt
• 00:03:32 Ísraelsmenn gera fjölda loftárása á Sýrland
• 00:08:09 Líkamsárás á Álfinum
• 00:08:34 Tilkynningum til barnaverndar fjölgar
• 00:11:07 Alþjóðafundur í Eistlandi
• 00:12:48 Of fáir Seyðfirðingar tengdir veitu
• 00:15:05 Jólaball Hjálpræðishersins
• 00:16:32 Íþróttir
• 02:52:20 Stjórnarmyndunarviðræður

Útvarpsfréttir.